రెండో రౌండ్​: దిల్లీ సీఎం, ఎల్​జీతో షా భేటీ

దిల్లీ ముఖ్యమంత్రి కేజ్రీవాల్​, లెఫ్ట్​నెంట్​ గవర్నర్​ అనిల్​ బైజల్​తో మరోసారి భేటీ అయ్యారు కేంద్ర హోంమంత్రి అమిత్​ షా. దేశ రాజధానిలో కరోనా నియంత్రణ చర్యలపై ఉదయమే సమీక్షించగా మరోమారు అధికారులతో కలిసి సమావేశమయ్యారు.

దిల్లీలో కరోనా నియంత్రణ చర్యలపై చర్చించేందుకు ముఖ్యమంత్రి అరవింద్ కేజ్రీవాల్​, లెఫ్ట్​నెంట్​ గవర్నర్​ అనిల్​ బైజల్​తో మరోసారి భేటీ అయ్యారు కేంద్ర హోంమంత్రి అమిత్​ షా. కేంద్ర ఆరోగ్యశాఖ మంత్రి హర్షవర్ధన్​తో పాటు మున్సిపల్​ కార్పొరేషన్​ మేయర్లు కూడా ఈ సమవేశంలో పాల్గొన్నారు. దేశ రాజధానిలో కరోనా నియంత్రణ చర్యలపై అధికారులతో కలిసి ఇవాళ రెండోసారి సమీక్షిస్తున్నారు షా.

దిల్లీలో కరోనా కేసుల కట్టడికి తీసుకున్న చర్యలపై కేజ్రీవాల్​, అనిల్​ బైజల్​తో ఈ ఉదయమే చర్చించారు కేంద్ర హోంమంత్రి. అనంతరం అండమాన్​ నికోబార్​, అరుణాచల్​ ప్రదేశ్​లో విధులు నిర్వర్తిస్తున్న నలుగురు ఐఏఎస్​ అధికారులను తక్షణమే దిల్లీకి బదిలీ చేస్తూ ఉత్తర్వులిచ్చారు.