"యువతను భయపెట్టడం ఆపండి"

రాహుల్​ గాంధీ​పై భాజపా జాతీయ అధ్యక్షుడు అమిత్​ షా తీవ్ర విమర్శలు చేశారు. సోమవారం బెంగళూరులో జరిగిన కాంగ్రెస్​ సభలో మోదీకి అనుకూలంగా నినాదాలు చేసిన యువకులను అరెస్ట్​ చేయటమేంటని రాహుల్​ను ప్రశ్నించారు. యువతను బయపెట్టడం మానుకోవాలని సూచించారు. అది రాజకీయ విలువలను తగ్గిస్తుందని పేర్కొన్నారు.

కాంగ్రెస్​ అధ్యక్షుడు రాహుల్​ గాంధీపై భాజపా అధ్యక్షుడు అమిత్​ షా తీవ్ర విమర్శలు గుప్పించారు. సోమవారం బెంగళూరులో జరిగిన కాంగ్రెస్​ సభలో మోదీకి అనుకూలంగా నినాదాలు చేసిన యువకుల అరెస్ట్​పై షా ఘాటుగా స్పందించారు. యువకులను బెదిరించడం ఆపాలని సూచించారు. అది కాంగ్రెస్​ రాజకీయ విలువలను తగ్గిస్తుందని రాహుల్​కు చెప్పారు. యువతే భవిష్యత్తు నిర్ధేశకులని పేర్కొన్నారు.

"జేఎన్​యూలో దేశానికి వ్యతిరేకంగా నినాదాలు చేశారనే ఆరోపణలు ఎదుర్కొంటున్న వారిని మీరు కౌగిలించుకుంటారు. కానీ మోదీకి అనుకూలంగా నినాదాలు చేసిన యువకులను అరెస్ట్​ చేస్తారా? స్వతంత్రంగా మాట్లాడేవారెక్కడున్నారు? అక్కడ యువకులు చేసిందేమిటో కాంగ్రెస్​ రాకుమారుడు తెలుసుకోవాలి. భారతదేశ యువతను భయపెట్టడం ఆపాలి. అది మీ రాజకీయ విలువలను తగ్గిస్తుంది" - అమిత్​ షా, భాజపా జాతీయ అధ్యక్షుడు.

సోమవారం బెంగళూరులోని మన్యత టెక్​ పార్క్​లో మోదీకి అనుకూలంగా నినాదాలు చేసిన వారిని రాష్ట్ర పోలీసులు అరెస్ట్​ చేశారు. ఆ దృశ్యాలను కర్ణాటక భాజపా ట్విటర్​లో పంచుకుంది. ఆ ట్వీట్​ను ట్యాగ్​ చేస్తూ అమిత్​ షా ఈ ఆరోపణలు చేశారు.

"ఇది కాంగ్రెస్​-జేడీఎస్​ పాలిత రాష్ట్రంలో ప్రజాస్వామ్యం పరిస్థితి. పౌరుల భావవ్యక్తీకరణను అణిచివేస్తున్నారు. రాష్ట్రంలో స్వేచ్ఛను అణిచివేసే నియంతృత్వ పాలన సాగుతోంది." - కర్ణాటక భాజపా

ఇదీ చూడండీ:ఓట్ల భారతంలో 'ఇతరుల'కు చోటేది?