స్వర్ణదేవాలయంలో ఇకపై 'టిక్​టాక్'​ నిషేధం

ఆలయ పవిత్రతకు భంగం వాటిల్లుతుందనే కారణంతో పంజాబ్​లోని ప్రసిద్ధ అమృత్​సర్​ స్వర్ణదేవాలయంలో టిక్​టాక్​ వీడియోల చిత్రీకరణను నిషేధించారు.  ఇటీవలే గుడిలో నృత్యాలు చేస్తూ, పాటలు పాడుతున్న భక్తుల టిక్​ టాక్​ వీడియోలు సామాజిక మాధ్యమాల్లో వైరల్​ అయిన నేపథ్యంలో ఈ నిర్ణయం తీసుకుంది ఆలయ కమిటీ.

పంజాబ్​లోని అమృత్​సర్​ స్వర్ణ దేవాలయంలో టిక్​టాక్​ వీడియోల చిత్రీకరణను నిషేధించారు. ఆలయ పవిత్రతకు భంగం కలుగుతుందనే నేపథ్యంలో ఈ నిర్ణయం తీసుకున్నట్లు ఆలయ నిర్వహణను పర్యవేక్షించే శిరోమణి గురుద్వారా ప్రబంధక్​ కమిటీ తెలిపింది. ఇటీవలే గుడిలో నృత్యాలు చేస్తూ, పాటలు పాడుతున్న భక్తుల టిక్​టాక్​ వీడియోలు సామాజిక మాధ్యమాల్లో వైరల్​ అయ్యాయి. ఈ సందర్భంగా స్వర్ణ దేవాలయంలో ఇకపై ఈ చిత్రీకరణలను నిషేధిస్తూ గోడ పత్రికలను కూడా అంటించింది.

ఆలయంలో ఇప్పటికే ఫోటోలు, వీడియోలు తీయడంపై నిషేధం ఉండగా.. భవిష్యత్తులో మొబైల్​ ఫోన్లు తీసుకురావడంపైనా ఆంక్షలు విధిస్తామని ప్రబంధక్ కమిటీ వెల్లడించింది.