'సెక్స్ వర్కర్లకు నగదు బదిలీ చేయాలి'

సెక్స్​ వర్కర్లకు నగదు బదిలీకి అవసరమైన మార్గదర్శకాలు రూపొందించాలని కేంద్రం, రాష్ట్ర ప్రభుత్వాలకు సుప్రీంకోర్టు ఆదేశాలు జారీ చేసింది. ఆంధ్రప్రదేశ్, మహారాష్ట్ర తమిళనాడు, తెలంగాణకు చెందిన 1.2లక్షల సెక్స్​ వర్కర్లపై చేసిన సర్వేలో 96 శాతం మంది కరోనా మహమ్మారి కారణంగా జోవనోపాధి కోల్పోయినట్లు వెల్లడైందని స్వచ్ఛంద సంస్థ తరఫున వాదనలు వినిపించిన న్యాయమూర్తి కోర్టుకు తెలిపారు.

ఎలాంటి ధ్రువపత్రంతో సంబంధం లేకుండా సెక్స్​ వర్కర్లకు నెలకు సరిపడా రేషన్​, నగదు బదిలీకి అవసరమైన మార్గదర్శకాలు రూపొందించాలని కేంద్రానికి, రాష్ట్రాలకు సుప్రీంకోర్టు ఆదేశాలు జారీ చేసింది. కరోనా మహమ్మారి సమయంలో దేశవ్యాప్తంగా సెక్స్​ వర్కర్లు జీవనోపాధి కోల్పోయారని, వారు ఆర్థికంగా తీవ్ర ఇబ్బందులు ఎదుర్కొంటున్నారని పేర్కొంటూ కోల్​కతాకు చెందిన దర్బార్ మహిళా సమన్వయ్ కమిటీ అనే స్వచ్ఛంద సంస్థ వేసిన పిటిషన్​ను విచారించింది ఎల్​.నాగేశ్వరరావు నేతృత్వంలోని ధర్మాసనం. మంగళవారం ఈ మేరకు ఉత్తర్వులు జారీ చేసింది. ఈ విషయంలో రాష్ట్రాలు, కేంద్రాలు వెంటనే మార్గదర్శకాలు రూపొందించాలని పేర్కొంది.

కోర్టు నియమించిన కోర్టు సలహాదారుడు జయంత్​ భూషణ్​.. సెక్స్​వర్కర్లు పడుతున్న ఇబ్బందులను న్యాయస్థానానికి వివరించారు. స్వచ్ఛంద సంస్థ తరఫున వాదనలు వినిపించిన న్యాయమూర్తి ఆనంద్​ గ్రోవర్​.. ఆంధ్రప్రదేశ్, మహారాష్ట్ర తమిళనాడు, తెలంగాణకు చెందిన 1.2లక్షల సెక్స్​ వర్కర్లపై చేసిన సర్వేలో 96 శాతం మంది జోవనోపాధి కోల్పోయారని వెల్లడైందని కోర్టుకు తెలిపారు.