శెనక్కాయల్లో విదేశీ కరెన్సీ తరలింపునకు యత్నం

దిల్లీలో ఓ వ్యక్తి అక్రమంగా విదేశీ కరెన్సీని దుబాయ్​ తీసుకెళ్లేందుకు యత్నించగా.. భద్రతా సిబ్బంది అతన్ని అరెస్టు చేసింది. ఆ ఘనుడు డబ్బును తీసుకెళ్లిన విధానం చూసి పోలీసులే నోరెళ్లబెట్టారు.

మాదక ద్రవ్యాలు, విదేశీ కరెన్సీ అక్రమ రవాణా కోసం కేటుగాళ్లు కొత్త దారులు తొక్కుతున్నారు. తాజాగా దిల్లీలో ఇలాంటి ఘటనే చోటుచేసుకుంది. మరాద్​ అలం అనే వ్యక్తి ఎయిర్ ఇండియా విమానంలో అక్రమంగా విదేశీ కరెన్సీతో దుబాయ్​ వెళ్లేందుకు యత్నించగా... భద్రతా సిబ్బంది అతన్ని అరెస్టు చేశారు. ఈ ఘనుడు వాటిని తీసుకెళ్లేందుకు వేసిన ఎత్తుగడ చూస్తే ఎవ్వరైనా నోరెళ్లబెట్టాల్సిందే.

వేరు శెనక్కాయలు, బిస్కెట్లు, ఇతర తినుబండారాలలో పెట్టి అమెరికా, దుబాయ్​ కరెన్సీని తీసుకెళ్లేందుకు ప్రయత్నించాడు మరాద్. అనుమానం వచ్చి తనిఖీ చేసిన అధికారులు... వీటిని చూసి కంగుతిన్నారు. అనంతరం అదుపులోకి తీసుకొని విచారిస్తున్నారు.