కోల్​కతాలో అమిత్​షా కాన్వాయ్​పై రాళ్లదాడి

బంగాల్​ కోల్​కతాలో భాజపా జాతీయ అధ్యక్షుడు అమిత్​షా చేపట్టిన ఎన్నికల ర్యాలీలో ఘర్షణ చెలరేగింది. కమల దళపతి వాహనశ్రేణి​పై రాళ్లదాడి జరిగింది. ఈ ఘటనతో భాజపా, వామపక్ష విద్యార్థులు పరస్పర దాడులకు దిగారు.

భాజపా జాతీయ అధ్యక్షుడు అమిత్​షా బంగాల్​​లో చేపట్టిన రోడ్​షోలో ఉద్రిక్త పరిస్థితులు తలెత్తాయి. కోల్​కతా వర్సిటీ సమీపంలో ఎన్నికల ప్రచారం చేస్తుండగా అమిత్​షా వాహనశ్రేణి​పై రాళ్లదాడి జరిగింది. కోపోద్రిక్తులైన భాజపా కార్యకర్తలు బిదాన్ సరనీ కళాశాల​ హాస్టల్​ను గెరావ్​ చేశారు. హాస్టల్​ గేటుకు నిప్పు అంటించారు. ఈ ఘటనతో భాజపా, వామపక్ష విద్యార్థుల మధ్య ఘర్షణ తలెత్తి, పరస్పరం దాడులకు పాల్పడ్డారు. తక్షణం స్పందించిన పోలీసులు ఇరువర్గాలను చెదరగొట్టారు.

ఇదీ చూడండి: అయ్యర్​ వ్యాఖ్యలపై మళ్లీ పెను దుమారం