ఆధార్ ఆర్డినెన్స్ను సవాలు చేస్తూ దాఖలైన పిటిషన్ను దేశ అత్యున్నత న్యాయస్థానం శుక్రవారం తిరస్కరించింది. మొదట హైకోర్టును ఆశ్రయించాలని పిటిషనర్లకు సూచించింది.
జస్టిస్ ఎస్.ఏ.బోబ్డే, జస్టిస్ ఎస్.ఏ.నజీర్ నేతృత్వంలోని ధర్మాసనం ఈ కేసు పురోగతిపై ఎటువంటి వాఖ్యలు చేయలేదు. హైకోర్టు అభిప్రాయాన్నే పరిగణనలోకి తీసుకునే అవకాశం ఉంది.
సీనియర్ న్యాయవాది అభిషేక్ మను సింఘ్వీ పిటిషనర్ల తరపున ధర్మాసనం ఎదుట వాదనను వినిపించారు. అది జాతీయ ప్రధానమైన అంశమని దీని ద్వారా దేశమంతా ప్రభావం ఉంటుందని తెలిపారు. ఈ అంశాన్ని అత్యున్నత న్యాయస్థానమే పరిష్కరించాలని కోరారు.
అయినప్పటికీ ధర్మాసనం.. పిటిషనర్లు తమ ఫిర్యాదును వెనక్కి తీసుకోవాలని సూచించింది. హైకోర్టు స్థాయిలో పిటిషన్ను వేసుకునేందుకు వారికి అనుమతినిచ్చింది.
రాష్ట్రపతి రామ్నాథ్ కోవింద్ మార్చి 3న ఆధార్ ఆర్డినెన్స్కు ఆమోదం తెలిపారు. ఇది మొబైల్ సిమ్ కార్డు తీసుకునేందుకు, బ్యాంకు అకౌంటు తెరిచేందుకు ఆధార్ను ఇష్టం ఉంటేనే వినియోగించే అవకాశం కల్పిస్తోంది.
