ప్లాస్టిక్ వినియోగంపై కేంద్రం, ఈసీలకు సుప్రీం నోటీసులు ఎన్నికల్లో ప్లాస్టిక్, బ్యానర్లు, హోర్డింగ్ల వినియోగంపై స్పందించాలని కేంద్రం, భారత ఎన్నికల సంఘానికి సుప్రీంకోర్టు నోటీసులు జారి చేసింది. ఈ అంశంపై గ్రీన్ ట్రైబ్యునల్ చేసిన సూచనలకు వ్యతిరేకంగా డబ్ల్యూ ఎడ్విన్ విల్సన్ దాఖలు చేసిన వ్యాజ్యంపై విచారణ చేపట్టిన సుప్రీం.. ఈ మేరకు ఆదేశాలు జారీ చేసింది.
జస్టిస్ ఎల్ నాగేశ్వరరావు నేతృత్వంలోని ధర్మాసనం.... కేంద్ర పర్యావరణ అటవీ మంత్రిత్వ శాఖ నాలుగు వారాల్లోగా ప్లాస్టిక్ సంబంధిత వస్తువుల వినియోగంపై వివరణ ఇవ్వాలని వెల్లడించింది.
తొలుత నేషనల్ గ్రీన్ ట్రైబ్యునల్... భారత ఎన్నికల సంఘంతో పాటు అన్ని కేంద్ర పాలిత ప్రాంతాలు, రాష్ట్రాలలోని ఎన్నికల ఉన్నతాధికారులకు ప్లాస్టిక్ వినియోగాన్ని తగ్గించాలని ఉత్తర్వులు జారీ చేసింది. అయితే ఈ ఉత్తర్వులు సమర్థవంతంగా లేవని సుప్రీంలో పిటిషన్ వేశారు డబ్ల్యూ ఎడ్విన్ విల్సన్. ప్రచార సామగ్రికి వినియోగించే ప్లాస్టిక్ పర్యావరణానికి హానికరమని వ్యాజ్యంలో పేర్కొన్నారు.
పిటిషన్లో ఎన్నికల్లో ఉపయోగించే నిషేధిత పీవీసీ బ్యానర్లపై ఎన్జీటీ సరైన ఆదేశాలు ఇవ్వలేదని వ్యాజ్యంలో తెలిపారు.
ఇదీ చూడండి : సీఏఏ రాజ్యాంగబద్ధతపై ప్రకటన చేయలేం: సుప్రీం
