అసోం ఎన్​ఆర్​సీ రూపకర్త బదిలీకి సుప్రీం ఆదేశాలు

అసోం ఎన్​ఆర్​సీ కో-ఆర్డినేట‌ర్‌ ప్రతీక్ హ‌జేలాను మధ్యప్రదేశ్​కు బ‌దిలీ చేయాలని కేంద్ర, రాష్ట్ర ప్రభుత్వాలను సుప్రీంకోర్టు ఆదేశించింది. ఆయనకు బెదిరింపు కాల్స్​ వస్తున్నందు వల్ల ఈ నిర్ణయం తీసుకున్నట్లు తెలుస్తోంది.

అసోం జాతీయ పౌర రిజిస్టర్(ఎన్​ఆర్​సీ) రూపకల్పనలో కీలక పాత్ర పోషించిన కో-ఆర్డినేటర్ ప్రతీక్​ హజేలాను బదిలీ చేయాలని కేంద్ర, రాష్ట్ర ప్రభుత్వాలను ఆదేశించింది సుప్రీంకోర్టు. ఎన్​ఆర్​సీ జాబితా విడుదల తరువాత ఆయనకు బెదిరింపు కాల్స్​ వస్తున్నాయనే ఈ నిర్ణయం తీసుకున్నట్లు తెలుస్తోంది.

హజేలాను డిప్యూటేషన్‌పై మధ్యప్రదేశ్‌కు బదిలీ చేయాలని ఆదేశాలు జారీ చేసింది భారత ప్రధాన న్యాయమూర్తి జస్టిస్‌ రంజ‌న్ గొగొయ్ నేతృత్వంలోని ధ‌ర్మాస‌నం.

అత్యంత వివాదాస్పాదమైన అసోం ఎన్​ఆర్​సీకి సంబంధించిన కసరత్తుతోపాటు తుది జాబితా రూపకల్పనను హజేలా పర్యవేక్షించారు.

ఆగస్టు 31న అసోం ఎన్​ఆర్​సీ తుది జాబితా విడుదలైంది. 3కోట్ల 30 లక్షల దరఖాస్తుల్లో 19లక్షల మందికిపైగా ప్రజలకు ఈ జాబితాలో చోటుదక్కలేదు.

ఇదీ చూడండి: ఫ్లిప్​కార్ట్​, అమెజాన్​ ఆఫర్లపై కేంద్రం దర్యాప్తు