మహాత్మునికి భారతరత్న కోరిన పిటిషన్​ తిరస్కరణ

మహాత్మాగాంధీకి భారతరత్న ప్రకటించాలని దాఖలైన పిటిషన్​ను సుప్రీంకోర్టు తిరస్కరించింది. మహాత్ముని స్థాయి పురస్కారాల కన్నా ఎక్కువ అని వ్యాఖ్యానించింది.

జాతిపిత మహాత్మగాంధీకి దేశ అత్యున్నత పురస్కారం ప్రకటించాలని కోరుతూ దాఖలైన ప్రజా ప్రయోజన వ్యాజ్యాన్ని సుప్రీంకోర్టు తిరస్కరించింది. మహాత్ముడు జాతి పిత అని.. ఆయనను ప్రజలు మహోన్నత గౌరవంతో చూస్తారని తెలిపింది. అలాంటి వ్యక్తి స్థాయి ఏ గుర్తింపునకైనా ఎక్కువే అని వ్యాఖ్యానించింది ఎస్​.ఏ.బోబ్డే నేతృత్వంలోని అత్యున్నత ధర్మాసనం.

అయితే ప్రజల అభిమానాన్ని తాము గౌరవిస్తామన్న సుప్రీం.. ఈ వినతిని కేంద్ర ప్రభుత్వానికి అందజేయాలని పిటిషనర్‌ అనిల్‌ దత్తా శర్మకు సూచించింది.

ఇదీ చూడండి: కేరళ బాటలో పంజాబ్... సీఏఏకు వ్యతిరేకంగా తీర్మానం