లోక్పాల్ ఎంపిక కమిటీ సమావేశ తేదీల వివరాలను 10 రోజుల్లోగా తెలియజేయాలని అటార్నీ జనరల్ కె.కె.వేణుగోపాల్నుసుప్రీంకోర్టుఆదేశించింది.
సుప్రీంకోర్టు ప్రధాన న్యాయమూర్తి జస్టిస్ రంజన్ గొగొయి నేతృత్వంలోని జస్టిస్ ఎస్ఏ నజీర్, జస్టిస్ సంజీవ్ ఖన్నాలతో కూడిన త్రిసభ్య ధర్మాసనం లోక్పాల్పై విచారణ చేపట్టింది.
కేంద్ర ప్రభుత్వం తరపున అటార్నీ జనరల్ కె.కె వేణుగోపాల్ ధర్మాసనం ముందు హాజరయ్యారు. సుప్రీంకోర్టు మాజీ న్యాయమార్తి రంజనా ప్రకాశ్ దేశాయ్ నేతృత్వంలోని సెర్చ్ కమిటీ... ఎంపిక కమిటీకి మూడు ప్యానెల్ల పేర్లను సూచించిందని వివరించారు ఏజే. ఈ ఎంపిక కమిటీ లోక్పాల్ ఛైర్పర్సన్, జుడిషియల్, నాన్ జ్యుడిషియల్ సభ్యులను ఎంపిక చేస్తుందని వేణుగోపాల్ తెలిపారు.
లోక్పాల్ ఎంపిక కమిటీ సమావేశ తేదీల వివరాలు 10 రోజుల్లోగా తెలపాలని అటార్నీ జనరల్ను సుప్రీంకోర్టు ఆదేశించింది. వెంటనే స్పందించిన అటార్నీ జనరల్... ప్రధానమంత్రి నేతృత్వంలోని ఎంపిక కమిటీ సమావేశాన్ని వీలైనంత త్వరగా ఏర్పాటుచేయాలని కేంద్ర సిబ్బంది, శిక్షణవ్యవహారాల శాఖ కార్యదర్శికి తాను విజ్ఞప్తి చేసినట్లు తెలిపారు.
కాగా లోక్పాల్ వ్యవహారంపై ప్రశాంత్ భూషణ్ పిటిషన్ను సుప్రీంకోర్టు తోసిపుచ్చింది. ఎంపిక కమిటీ ప్రతిపాదించిన 3 పానెళ్ల పేర్లు వెల్లడించేలా ఆదేశాలు ఇవ్వాలన్న ఆయన పిటిషన్ను తిరస్కరించింది.