కరోనాపై ప్రజలకు మోదీ సందేశం ఇదే..

దేశంలో కరోనా వైరస్​ పరిస్థితిపై ప్రభుత్వం అప్రమత్తంగా ఉందని తెలిపారు ప్రధానమంత్రి నరేంద్ర మోదీ. ప్రజలు ఎలాంటి ఆందోళనకు గురికావద్దని, జాగ్రత్తలు పాటించాలని సూచించారు. సాధ్యమైనంత వరకు గుంపులుగా ఉండకూడదని ట్వీట్​ చేశారు.

కరోనా వైరస్ వ్యాప్తిని అరికట్టేందుకు కేంద్రం పటిష్ట చర్యలు చేపట్టినట్లు తెలిపారు ప్రధాని నరేంద్ర మోదీ. పరిస్థితిపై కేంద్రం అప్రమత్తంగా ఉందని ట్విట్టర్ వేదికగా స్పష్టం చేశారు. ఎలాంటి ఆందోళకు గురికావద్దని.. తగిన జాగ్రత్తలు పాటించాలని ప్రజలకు సూచించారు.

మోదీ ట్వీట్​

"ఎలాంటి భయం వద్దు. జాగ్రత్తలు పాటించండి. కొద్ది రోజుల పాటు కేంద్ర మంత్రులు ఎవరూ విదేశీ పర్యటనలకు వెళ్లరు. మీరు కూడా అవసరమైతే తప్ప ప్రయాణం చేయకండి. గుమిగూడకుండా ఉంటే కరోనా వ్యాప్తిని అరికట్టవచ్చు "

-ప్రధాని నరేంద్రమోదీ ట్వీట్.

భారత్​లో కరోనా కేసుల సంఖ్య 73కు పెరిగినట్లు కేంద్ర ఆరోగ్య మంత్రి హర్షవర్ధన్​ తెలిపారు.