సంఝౌతా పునఃప్రారంభం

భారత్, పాకిస్థాన్‌ల మధ్య తీవ్ర ఉద్రిక్తతల నేపథ్యంలో రద్దైన సంఝౌతా ఎక్స్‌ప్రెస్ రైలు సర్వీసులను తిరిగి పునరుద్ధరించాలని ఇరుదేశాలు నిర్ణయించాయి.

భారత రాజధాని దిల్లీ, పాక్​లోని లాహోర్ మధ్య నడిచే సంఝౌతా ఎక్స్​ప్రెస్ సేవలు పునఃప్రారంభమయ్యాయి. భారత వైమానికదళం దాడుల నేపథ్యంలో ఫిబ్రవరి 28న సంఝౌతా ఎక్స్‌ప్రెస్ సేవలు నిలిచిపోయాయి.

పాక్​ చేతికి చిక్కిన భారత వింగ్ కమాండర్ అభినందన్ శుక్రవారం విడుదలయ్యారు. ఈ నేపథ్యంలో సేవల పునరుద్ధరణకు నిర్ణయం తీసుకున్నారు ఇరు దేశాధికారులు.

ఆదివారం దిల్లీ నుంచి ప్రారంభమయ్యే సంఝౌతా ఎక్స్​ప్రెస్ సోమవారం లాహోర్​ నుంచి తిరుగు ప్రయాణమవుతుంది. అటారీ-వాఘా సరిహద్దు నుంచి ఈ రైలు ప్రయాణిస్తుంది.