దిల్లీ అల్లర్ల కుట్రలో మరో ఇద్దరు ప్రముఖుల పేర్లు!​

దిల్లీ అల్లర్లకు సంబంధించి పోలీసులు దాఖలు చేసిన అభియోగపత్రంలో కాంగ్రెస్​ సీనియర్​ నేత సల్మాన్ ఖుర్షీద్, ​న్యాయవాది ప్రశాంత్​ భూషణ్​ పేర్లు కూడా నమోదు చేసినట్లు అధికారులు తెలిపారు. వీరితో పాటు పలువురు నాయకులు, కార్యకర్తలను కుట్రదారులుగా పేర్కొన్నారు.

విదేశాంగ మాజీ మంత్రి సల్మాన్​ ఖుర్షీద్​, న్యాయవాది ప్రశాంత్​ భూషణ్​లకు దిల్లీ అల్లర్లతో సంబంధాలున్నట్లు పోలీసులు తెలిపారు. ఈ మేరకు దిల్లీ అల్లర్లకు సంబంధించి పోలీసులు దాఖలు చేసిన అభియోగపత్రంలో వారి పేర్లను నమోదు చేసినట్లు పేర్కొన్నారు. ఖుర్షీద్​, ప్రశాంత్​లతో సహా పలువురు నేతలు, కార్యకర్తల పేర్లు కూడా నమోదు చేసినట్లు అధికారులు తెలిపారు.

దిల్లీలో ఫిబ్రవరిలో జరిగిన అల్లర్లకు సంబంధించి ఈ నెల 16న అభియోగపత్రం దాఖలు చేశారు పోలీసులు. అల్లర్ల వెనుక భారీ కుట్ర జరిగినట్లు అందులో పేర్కొన్నారు. ఈ అల్లర్లలో సుమారు 53 మంది మరణించగా, 200 మందికి పైగా గాయపడ్డారు.

ఇదీ చూడండి:దిల్లీ అల్లర్ల వెనుక భారీ కుట్ర