పట్టపగలు అందరూ చూస్తుండగానే రూ.1లక్ష చోరీ

ఒడిశాలో పట్టపగలే దొంగతనానికి పాల్పడ్డారు గుర్తు తెలియని వ్యక్తులు. బ్యాంక్​ సమీపంలో పార్క్​ చేసిన బైక్​లో లక్ష రూపాయల నగదును దోచుకెళ్లారు. స్థానిక సీసీటీవీ కెమెరాల్లో ఈ దృశ్యాలు రికార్డయ్యాయి.

ఒడిశాలో పట్టపగలే అందరూ చూస్తుండగానే దోపీడీకి పాల్పడ్డారు దుండగులు. కేంద్ర్​పాడా జిల్లాలోని బనియామల వద్ద ఓ ప్రైవేట్​ ఏజెంట్​ నుంచి రూ.1 లక్ష దోచుకున్నారు. ఈ ఘటనకు సంబంధించిన దృశ్యాలన్ని స్థానిక సీసీ కెమెరాల్లో నిక్షిప్తమయ్యాయి.

ఓ ప్రైవేట్​ సంస్థ ఉద్యోగి అయిన పాండా.. ఈ నెల 15న(శుక్రవారం) లక్ష రూపాయల నగదును బ్యాంక్​లో విత్​ డ్రా చేసుకున్నాడు. సమీపంలోని సహకార బ్యాంకులో ఆ సొమ్మును జమచేసేందుకు ఓ బ్యాగ్​లో ఉంచాడు. సంబంధిత బ్యాంక్​ వద్దకు వచ్చి.. బైక్​ పార్క్​ చేసి మరో ఏజెంట్​తో​ మాట్లాడుతున్నాడు పాండా. ఇంతలో డబ్బుపై కన్నేసిన దుండగులు.. బైక్​పై వచ్చి ఆ బ్యాగ్​ను కాజేశారు.

ఇదీ చదవండి:రెండో భార్యతో కలిసి కన్నపిల్లలపై కర్కశత్వం!