సహకార​ బ్యాంకుకు కన్నం- రూ. 1.47 కోట్లు చోరీ

తమిళనాడు త్రిచి జిల్లా తిరునెరుంబర్​ బీహెచ్​ఈఎల్​ క్యాంపస్​లోని సహకార​ బ్యాంక్​లో భారీ చోరీ జరిగింది. బ్యాంకు వెనుకాల కిటికీ ఊసలు తొలగించి లోపలికి చొరబడ్డ దొంగలు రూ.1.47 కోట్ల నగదు అపహరించారు.

తమిళనాడు త్రిచి జిల్లాలో దొంగలు మరోమారు రెచ్చిపోయారు. అత్యంత నిఘా కలిగిన బీహెచ్​ఈఎల్​ క్యాంపస్​లోని బ్యాంకుకే కన్నం వేశారు. తిరునెరుంబర్​ నగరంలోని బీహెచ్​ఈఎల్​ ఆవరణలోని సహకార​ బ్యాంకు కిటికీ ఊసలు తొలగించి లోపలికి చొరబడ్డారు. సుమారు రూ.1.47 కోట్ల నగదు దోచుకెళ్లారు.

శుక్రవారం ఉదయం బ్యాంకు కిటికీ తెరిచి ఉండటాన్ని గమనించిన బీహెచ్​ఈఎల్​ భద్రతా సిబ్బంది పోలీసులకు సమాచారం అందించారు. పోలీసులు కేసు నమోదు చేసుకుని దర్యాప్తు ప్రారంభించారు.

సహకార​ బ్యాంకుకు కన్నం

బీహెచ్​ఈఎల్​లో పనిచేసే వెయ్యి మందికిపైగా ఉద్యోగుల జీతాలు ఈ బ్యాంకు ద్వారానే చెల్లిస్తారు.

గత నెలలో త్రిచి జిల్లాలోనే భారీ చోరీ జరిగింది. లలితా జ్యువెలరీలో చొరబడి సుమారు 13 కోట్ల రూపాయలు విలువైన బంగారు ఆభరణాలు దోచుకెళ్లారు దుండగులు.

ఇదీ చూడండి:గోడకు కన్నం వేసి.. లలితా జ్యువెలరీలో భారీ చోరీ!