డేవిడ్​​ అటెన్​బరోకు ఇందిరాగాంధీ శాంతి పురస్కారం

మాజీ ప్రధానమంత్రి ఇందిరాగాంధీ శాంతి బహుమతికి ఎంపికయ్యారు ప్రముఖ ప్రకృతి శాస్త్రవేత్త, బ్రాడ్ కాస్టర్ సర్​ డేవిడ్ అటెన్​బరో. ప్రకృతి రహస్యాలపై చేసిన కృషికి అటెన్​బరోకు ఈ అవార్డు అందిస్తున్నట్లు దిల్లీలోని ఇందిరా గాంధీ స్మారక ట్రస్టు ప్రకటన విడుదల చేసింది.

ప్రముఖ ప్రకృతి శాస్త్రవేత్త, బ్రాడ్‌కాస్టర్‌ స‌ర్ డేవిడ్ అట‌ెన్‌బ‌రో.. ఈ ఏడాది ఇందిరాగాంధీ శాంతి బ‌హుమ‌తికి ఎంపికయ్యారు. మాజీ రాష్ట్రప‌తి ప్రణ‌బ్ ముఖ‌ర్జీ నేతృత్వంలోని అంత‌ర్జాతీయ జ్యూరీ ఈ అవార్డు విజేత‌ను ఎంపిక చేసినట్లు దిల్లీలోని ఇందిరాగాంధీ మెమోరియ‌ల్ ట్రస్టు ఓ ప్రక‌ట‌న‌లో వెల్లడించింది. భూగోళంలోని ప్రకృతి ర‌హ‌స్యాల‌ను విశ‌దీక‌రించిన గొప్ప శాస్త్రవేత్త స‌ర్ అట‌ెన్‌బ‌రో అని ట్రస్టు ప్రకటించింది. జీవ‌వైవిధ్యాన్ని కాపాడుకునేందుకు అటెన్‌బ‌రో ఎంతో కృష్టి చేశార‌ని కొనియాడింది.

ప్రకృతి సంప‌దపై ఎన్నో పుస్తకాలు రాశారు అటెన్​బరో. ఎక్కువ శాతం బీబీసీ ఛానెల్ కోసం ప‌నిచేసిన అట‌ెన్‌బ‌రో ఎన్నో ప్రతిష్టాత్మక అవార్డుల‌ు గెలుచుకున్నారు. ఆయన రూపొందించిన డాక్యుమెంట‌రీల‌కు కూడా విశేష గుర్తింపు ఉంది. అంత‌రిస్తున్న‌, స‌జీవంగా ఉన్న అనేక జీవాల‌కు అట‌ెన్‌బ‌రో పేరు పెట్టారు.

ఇదీ చూడండి: శక్తిమంతమైన కెమెరాను నింగిలోకి పంపే పనిలో ఇస్రో