జాతీయ వైద్య కమిషన్(ఎన్ఎంసీ) బిల్లుకు వ్యతిరేకంగా దేశవ్యాప్తంగా వైద్యుల నిరసనలు కొనసాగుతున్నాయి. జూడాల సమ్మెతో రోగులు తీవ్ర ఇబ్బందులు ఎదుర్కొంటున్నారు.
శుక్రవారమూ నిరవధిక సమ్మె కొనసాగించాలని ఫెడరేషన్ ఆఫ్ రెసిడెంట్ డాక్టర్స్ అసోసియేషన్ నిర్ణయించింది. ఎయిమ్స్ దిల్లీ, పట్నా వైద్యులుసమ్మెకుమద్దతు ప్రకటించారు. నేటి నుంచి అత్యవసర సేవల్లోనూ పాల్గొనేది లేదని తేల్చిచెప్పారు.
ఎన్ఎంసీ బిల్లుకు రాజ్యసభలోనూ ఆమోదం లభించడం వల్ల సమ్మెను మరింత ఉద్ధృతం చేయనున్నట్లు తెలిపారు. ఈ నేపథ్యంలో వివిధ ఆసుపత్రులకు చెందిన వైద్యుల బృందం నేడు కేంద్ర ఆరోగ్య మంత్రి హర్ష వర్ధన్తో సమావేశమయ్యే అవకాశముంది.
మరోవైపు ఎన్ఎంసీ బిల్లు ఆమోదం పొందితే వైద్యవిద్యలో విప్లవాత్మక మార్పులు వస్తాయని మంత్రి హర్షవర్ధన్‌ చెబుతున్నారు.
ఇదీ చూడండి: అయోధ్య మధ్యవర్తిత్వం నివేదికపై నేడు సుప్రీం విచారణ