టిక్​టాక్​కు ప్రత్యామ్నాయంగా వచ్చేసింది 'టిక్​ టిక్'​

చైనా యాప్​ టిక్​టాక్​కు భారత్​లో ఉన్న క్రేజ్​ అంతా ఇంతా కాదు. కానీ కేంద్రం ఆ యాప్​ను నిషేధించిన నేపథ్యంలో ప్రత్యామ్నాయాలవైపు చూస్తున్నారు ఆ యాప్​ వినియోగదారులు. అదే ఫీచర్లతో వచ్చిన "టిక్​ టిక్​" యాప్​కు మంచి ఆదరణ లభిస్తోంది. అయితే.. ఈ యాప్​ రూపొందించింది పెద్ద కంపెనీలు కాదండోయ్​.. కేరళ తిరువనంతపురానికి చెందిన ఓ ఇంజినీరింగ్​ విద్యార్థి. మరి ఈ యాప్​ విశేషాలు చూసేద్దామా!

నిషేధానికి గురైన టిక్​టాక్​కు ప్రత్యామ్నాయంగా.. అదే ఫీచర్లతో సరికొత్త యాప్​ను రూపొందించాడు కేరళ తిరువనంతపురానికి చెందిన ఐటీ విద్యార్థి. 'టిక్​ టిక్ మేడ్​ ఇన్​ ఇండియా'​ పేరుతో అభివృద్ధి చేసిన ఈ యాప్​కు ఇప్పడు దేశవ్యాప్తంగా మంచి ఆదరణ లభిస్తోంది. ఇందులో.. వీడియోలు అప్​లోడ్​, ఎడిటింగ్​, ప్లే చేయటం సహా మరిన్ని ఫీచర్లు ఉన్నాయి.

టిక్​టాక్​ యాప్​ను నిషేధించిన నేపథ్యంలో.. దాని యూజర్లు ప్రత్యామ్నాయాలపై దృష్టి సారించారు. ఈ క్రమంలోనే యాప్​ పనులు ప్రారంభించాడు కేరళ కార్యవట్టమ్​ ఇంజినీరింగ్​ విశ్వవిద్యాలయంలో ఇన్ఫర్​మేషన్ టెక్నోలజీ(ఐటీ) మూడో ఏడాది చదువుతున్న ఆశీష్​ సజన్​. పలు సంస్థలతో పని చేస్తూ.. టిక్​ టిక్​ పేరిట యాప్​ను ఆవిష్కరించాడు.

కొద్ది రోజుల్లోనే టిక్​ టిక్​కు దేశవ్యాప్తంగా మంచి ఆదరణ లభించింది. పెద్ద ఎత్తున డౌన్​లోడ్స్​ పెరిగాయి. ఈ క్రమంలో యాప్​ను దేశ ప్రజలకు మరింత చేరువ చేసేందుకు కొత్త కొత్త ఫీచర్లు తీసుకొస్తున్నాడు. ఇందుకోసం ఆహర్నిశలు కష్టపడతున్నట్లు చెప్పాడు ఆశీష్​. ప్రస్తుతం ఓ బృందాన్ని ఏర్పాటు చేసుకునే పనిలో ఉన్నానని, పెట్టుబడులు పెంచుతున్నామని తెలిపాడు.

టిక్​ టాక్​లో 7లక్షలకుపైగా ఫాలోవర్స్​ ఉన్న ఆశీష్​ సోదరి ఆర్దా.. ప్రస్తుతం టిక్​ టిక్​​లో తన వీడియోలు పోస్ట్​ చేస్తూ అందరిని ఆకట్టుకుంటోంది.

ఇదీ చూడండి:ఆసియాలోనే అతిపెద్ద జూ పార్క్ విశేషాలివే​