కొవిడ్ పరీక్షలను వేగవంతం చేసింది కేంద్రం. మంగళవారం ఒక్కరోజే రికార్డు స్థాయిలో 3,20,161 వైరస్ నమూనాలు పరీక్షించినట్లు వెల్లడించింది. దీంతో జులై 14 నాటికి చేసిన మొత్తం పరీక్షల సంఖ్య 1,24,12,664కు పెరిగిందని భారతీయ వైద్య పరిశోధన మండలి(ఐసీఎంఆర్) తెలిపింది.
మార్చి 25 నాటికి ఒక్కరోజులో నిర్వహించే కొవిడ్ పరీక్షల సంఖ్య సగటున 1.5 లక్షలు ఉండేది. ప్రస్తుతం ఇది 4 లక్షల చేరువలో ఉన్నట్లు ఐసీఎంఆర్ వైద్యులు తెలిపారు.
అందులో గోవా ఫస్ట్..
వైరస్ అనుమానితులను గుర్తించడానికి ప్రతి మిలియన్ జనాభాలో రోజుకు 140 మంది పరీక్షించాలని ప్రపంచ ఆరోగ్య సంస్థ (డబ్ల్యూహెచ్ఓ) సూచించింది. అయితే 22 రాష్ట్రాల్లో సగటున 140కి పైగా పరీక్షలు జరుగుతున్నాయని ఆరోగ్య శాఖ వెల్లడించింది. వీటిల్లో గోవా, దిల్లీ, తమిళనాడు మొదటి మూడు స్థానాల్లో ఉన్నాయి.
ప్రతి 10 మిలియన్ల మందికి ఏ రాష్ట్రంలో ఎన్ని టెస్టులు...
| రాష్ట్రం | టెస్టులు |
| గోవా | 1,058 |
| దిల్లీ | 978 |
| తమిళనాడు | 563 |
| అసోం | 310 |
| కర్ణాటక | 297 |
| మధ్యప్రదేశ్ | 249 |
| ఝార్ఖండ్ | 242 |
| రాజస్థాన్ | 235 |
| మహారాష్ట్ర | 198 |
కరోనా పరీక్షలు ఎక్కువగా చేయడం వల్ల ఒక్కరోజులో నమోదవుతున్న వైరస్ కేసుల సంఖ్య కూడా పెరుగుతోంది. మంగళవారం రికార్డు స్థాయిలో 29 వేల 429 మంది కొవిడ్ బారినపడ్డారు.
ఇదీ చూడండి:టార్గెట్ సచిన్... కాంగ్రెస్ కీలక నిర్ణయం