సూదితో బొడ్డుకు దారాన్ని కుట్టే వింత ఆచారం

కర్ణాటకలోని మజాలి గ్రామంలో ఓ వింత ఆచారాన్ని పాటిస్తున్నారు. ఏటా జరిగే ఓ ఉత్సవంలో భాగంగా యువకులు, బాలుర బొడ్డును సూదితో కుట్టి.. ఆ దారాన్ని అమ్మవారికి సమర్పిస్తారు. ఇదేంటని అడిగితే.. తమ ఆచారం అని చెబుతున్నారు ఆ గ్రామస్థులు..

మన దేశంలో ఒక్కో ప్రాంతానికి ఒక్కో ఆచారం ఉంటుంది. ఈ తరహాలోనే కర్ణాటకలోని కరవాల్​ తాలూకా మజాలి గ్రామంలో ఓ వింత ఆచారాన్ని పాటిస్తున్నారు. ఏటా ఈ ప్రాంతంలో మార్కపునావ్​ జాతర నిర్వహిస్తారు. ఈ వేడుకకు ఓ వైపు బాలురు, యువకులు సూదిని చేతిలో పట్టుకొని నడుస్తుంటే.. మరోవైపు యువతులు, మహిళలు తమ తలపై దీపాలు పెట్టుకొని అడుగులు వేస్తుంటారు. అనంతరం బాలురు, యువకుల బొడ్డును సూదితో కుట్టి.. ఆ దారాన్ని దైవానికి సమర్పించుకుంటారు. ఇలా చేయడం వల్ల ఎలాంటి ఆరోగ్య సమస్యలు రావనేది వారి నమ్మకం.

యువతులు,మహిళలు దీపాలను పట్టుకొని గ్రామంలోని డాడ్​ ఆలయం నుంచి అమ్మవారి గుడి వరకు కాలినడకన నడుస్తారు. అనంతరం దేవతకు భక్తితో పూజలు చేస్తారు. గోవా, మహారాష్ట్ర, ముంబయి సహా ప్రపంచ నలుమూలల నుంచి భక్తులు ఈ ఉత్సవానికి వస్తుంటారు.