3 ఏళ్ల చిన్నారిపై అత్యాచార యత్నం.. కాపాడిన స్థానికులు

ఉత్తర్​ప్రదేశ్ రాష్ట్రంలోని ఉన్నావ్ పరిధిలో మూడేళ్ల చిన్నారిపై అత్యాచార యత్నం జరిగింది. ఇప్పటికే 'ఉన్నావ్ బాధితురాలు' మృతిపై దేశవ్యాప్తంగా నిరసనలు జరుగుతోన్న వేళ.. అదే చోట ఈ దారుణం జరగడం గమానార్హం.

ఉత్తర్​ప్రదేశ్​ ఉన్నావ్ పరిధిలో మూడేళ్ల చిన్నారిపై ఓ యువకుడు అత్యాచార యత్నం చేశాడు. అభం, శుభం తెలియని ఆ చిన్నారి శుక్రవారం ఇంటి సమీపంలో ఆడుకుంటుండగా.. అదే వీధికి చెందిన యువకుడు ఆమెను పక్కన ఉన్న పొలంలోకి లాక్కెళ్లాడు. పాప అరుపులు విన్న స్థానికులు అక్కడకు చేరుకుని.. చిన్నారిని కాపాడారు.

స్థానికుల ఫిర్యాదుతో ఘటనా స్థలానికి చేరుకుని యువకుడిపై కేసు నమోదు చేశారు పోలీసులు. చిన్నారిని వైద్య పరీక్షలకు తరలించారు. నిందితుణ్ని అదుపులోకి తీసుకొని విచారిస్తున్నారు.

ఇదీ చూడండి: వారి మరణమే నాకు ఓదార్పు: ఉన్నావ్‌ బాధితురాలి తండ్రి