దివాలా చట్టం సవరణ బిల్లుకు రాజ్యసభ ఆమోదం

మూడేళ్ల నాటి రుణాల ఎగవేత, దివాలా స్మృతి చట్ట సవరణ బిల్లు-2019కు రాజ్యసభ ఆమోదం తెలిపింది. ఈ బిల్లులో రుణదాతలు, గ్రహీతలకు సంబంధించి కీలక మార్పులు తీసుకొచ్చింది ప్రభుత్వం.

రుణాల ఎగవేత, దివాలా స్మృతి చట్టం సవరణకు రాజ్యసభ ఆమోదం తెలిపింది. మూడేళ్ల నాటి ఈ బిల్లుకు ఎగువసభ ఆమోదం తెలిపింది. రుణ ఎగవేతదారులను దివాలా బిల్లు ఏరివేస్తుందని సుప్రీంకోర్టు తీర్పునిచ్చిందని ఈ సందర్భంగా ఆర్థిక మంత్రి నిర్మలా సీతారామన్​ గుర్తుచేశారు.

రుణాలకు సంబంధించి దాతలకు ప్రాధాన్యం కల్పించనున్నట్లు ఈ బిల్లులో స్పష్టతనిచ్చారు. అప్పు ఎగవేతదారుల ఆస్తులను వేలం వేసేందుకు రుణదాతలకు అధికారం కల్పించారు. ఈ చట్టం అమలులో ఉద్యోగులను కూడా పరిగణనలోకి తీసుకున్నామని పేర్కొన్నారు. దివాలా ప్రక్రియ పూర్తయ్యాక సంస్థకు పునర్వైభవం తీసుకొస్తామని చెప్పారు మంత్రి.

ఇదీ చూడండి: 'విపక్షాల గొంతు నొక్కేస్తున్నారనడం అవాస్తవం'