భాజపా ఎంపీల గైర్హాజరుపై మోదీ అసంతృప్తి: రాజ్​నాథ్

పార్లమెంట్ సమావేశాలకు భాజపా ఎంపీల హాజరు తక్కువగా ఉండడంపై ప్రధాని నరేంద్రమోదీ అసంతృప్తిగా ఉన్నారని రక్షణమంత్రి రాజ్​నాథ్ సింగ్ తెలిపారు. మంగళవారం జరిగిన పార్లమెంటరీ పార్టీ సమావేశంలో ఈ అంశాన్ని లేవనెత్తిన రాజ్​నాథ్​.. పౌరసత్వ సవరణ బిల్లు ప్రవేశపెట్టే సమయంలో భాజపా ఎంపీలంతా కచ్చితంగా హాజరుకావాలని నిర్దేశించారు.

పార్లమెంట్ సమావేశాల్లో భాజపా ఎంపీల హాజరు తక్కువగా ఉండడంపై రక్షణమంత్రి రాజ్​నాథ్​సింగ్ అసంతృప్తి వ్యక్తం చేశారు. మంగళవారం జరిగిన భాజపా పార్లమెంటరీ పార్టీ సమావేశంలో రాజ్​నాథ్​ ఈ అంశాన్ని లేవనెత్తారు. ఎంపీల గైర్హాజరు విషయంలో ప్రధాని మోదీ కూడా అసంతృప్తిగా ఉన్నారని రాజ్​నాథ్​ తెలిపారు.

పార్లమెంట్​లో అమిత్​షా.. పౌరసత్వ సవరణ బిల్లు ప్రవేశపెట్టే సమయంలో భాజపా ఎంపీలంతా సభలోనే ఉండాలని రాజ్​నాథ్​ స్పష్టం చేశారు. ఈ బిల్లూ ఆర్టికల్ 370 రద్దు అంతటి ప్రాధాన్య అంశమేనని ఎంపీలకు ఆయన వివరించారు.

పౌరసత్వ సవరణ బిల్లుపై విపక్షాల ఆరోపణలను కొట్టిపారేసిన రాజ్​నాథ్​సింగ్​.. భాజపా ఎల్లప్పుడూ దేశాన్ని, ప్రజలను ఏకం చేసేందుకే పనిచేస్తుందని తెలిపారు.

ఇదీ చూడండి:బకెట్లు, బాటిళ్లలో డీజిల్​ను పట్టుకుపోయిన జనం!