కార్గిల్​ అమర వీరులకు రాజ్​నాథ్​ నివాళులు

కార్గిల్​ విజయానికి నేటికి 21 ఏళ్లు పూర్తయ్యాయి. ఈ సందర్భంగా దిల్లీలోని జాతీయ యుద్ధ స్మారకం వద్ద త్రివిధ దళాధిపతులతో కలిసి అమర జవాన్లకు నివాళులర్పించారు రక్షణమంత్రి రాజ్​నాథ్ సింగ్. పాక్​పై వీరోచిత పోరాటం చేసి అపూర్వ విజయం అందించిన జవాన్లకు సెల్యూట్ చేస్తున్నట్లు ట్వీట్​ చేశారు రాజ్​నాథ్​.

దాయాది పాకిస్థాన్​పై అసామాన్య విజయానికి నేటితో 21 ఏళ్లు పూర్తయిన సందర్భంగా దిల్లీలోని జాతీయ యుద్ధ స్మారకం వద్ద నివాళులర్పించారు రక్షణ మంత్రి రాజ్​నాథ్​ సింగ్​. ఆయనతో పాటు రక్షణ శాఖ సహాయ మంత్రి శ్రీపాద్​ నాయక్​, త్రివిధ దళాల అధిపతులు. ఈ సందర్భంగా భారత సాయుధ దళాల ధైర్య సాహసాలను గుర్తుచేసుకున్నారు రాజ్​నాథ్​.

జాతీయ యుద్ధ స్మారకం వద్ద నివాళులు

కార్గిల్​ విజయ్​ దివాస్​ 21 వార్షికోత్సవం సందర్భంగా వీరోచిత పోరాటం చేసిన అలనాటి జవాన్లకు సెల్యూట్​ చేస్తూ ట్వీట్​ చేశారు. .

"కార్గిల్​ యుద్ధంలో అత్యంత సవాళ్లతో కూడిన పరిస్థితుల్లో శుత్రువులపై వీరోచతంగా పోరాడిన భారత సాయుధ దళాల జవాన్లకు నా సెల్యూట్. ​ కార్గిల్​ యుద్ధంలో పోరాటం చేస్తూ దివ్యాంగులుగా మారినప్పటికీ దేశానికి తమదన మార్గాల్లో సేవలు కొనసాగిస్తున్న వారికి నా కృతజ్ఞతలు. "

- రాజ్​నాథ్​ సింగ్, రక్షణ మంత్రి. ​

సెల్యూట్​ చేస్తోన్న రాజ్​నాథ్​

జాతీయ యుద్ధ స్మారకం వద్ద త్రివిధ దళాధినేతల నివాళి

ఇదీ చూడండి: కార్గిల్ ప్రత్యేకం: మంచు శిఖరంపై మరపురాని విజయానికి 21 వసంతాలు​