370 రద్దు: అమిత్​షాపై రజనీ ప్రసంశల జల్లు

ఆపరేషన్​ కశ్మీర్​ చేపట్టిన కేంద్ర హోంమంత్రి అమిత్​షాపై సూపర్​స్టార్​ రజనీకాంత్ ప్రశంసలు కురిపించారు. మోదీ-షా ద్వయాన్ని కృష్ణార్జునులుగా అభివర్ణించారు.

జమ్ము కశ్మీర్​కు ప్రత్యేక ప్రతిపత్తినిచ్చే ఆర్టికల్ 370 రద్దుకు కృషిచేసిన కేంద్రహోంమంత్రి అమిత్​షాపై సూపర్​స్టార్​ రజనీకాంత్​ ప్రశంసల జల్లు కురిపించారు. ప్రధాని నరేంద్రమోదీ-అమిత్​షా ద్వయాన్ని కృష్ణార్జునులు అని ఆయన అభివర్ణించారు.

"మిషన్​ కశ్మీర్​ చేపట్టిన అమిత్​షాకు నా హృదయపూర్వక శుభాకాంక్షలు. శెభాష్​. మోదీ-షాలు కృష్ణార్జునులు. అయితే వీరిలో ఎవరు కృష్ణుడో, ఎవరు అర్జునుడో మనకు తెలియదు."-రజనీకాంత్​, సినీనటుడు

వెంకయ్యనాయుడు ఉపరాష్ట్రపతిగా రెండేళ్లు పూర్తి చేసుకున్న సందర్భంగా విడుదల చేసిన క్రానికల్ పుస్తక ఆవిష్కరణ సభలో పాల్గొన్న రజనీకాంత్... అమిత్​షాపై ప్రశంసలు కురిపించారు.

రాజకీయాల్లోకి వస్తున్నా...

తమిళనాట విశేష ప్రేక్షకాదరణ ఉన్న నటుడు రజనీకాంత్. ఆయన రాజకీయ పార్టీని ప్రారంభిస్తానని, 2021 తమిళనాడు అసెంబ్లీ ఎన్నికల్లో పోటీ చేస్తామని తెలిపారు.

కశ్మీర్ విభజన

మోదీ ప్రభుత్వం కశ్మీర్​కు ప్రత్యేక ప్రతిపత్తిని ఇస్తున్న ఆర్టికల్ 370, ఆర్టికల్ 35-ఎ లను రద్దు చేసింది. అలాగే ఆ రాష్ట్రాన్ని జమ్ము కశ్మీర్, లద్ధాఖ్​... కేంద్రపాలిత ప్రాంతాలుగా విభజించింది.

ఇదీ చూడండి: 15 కిలోమీటర్ల జాతీయ జెండాతో మానవహారం