వైరల్​: కత్తి తిప్పి కష్టాలు తెచ్చుకున్న పోలీస్

నిమజ్జన వేడుకల్లో సరదాగా చేసిన కత్తిసాము ఓ పోలీస్​ అధికారి ఉద్యోగానికి ఎసరు తెచ్చింది. రాజస్థాన్​ చిత్తోఢ్​గఢ్​లో పోలీసు దుస్తుల్లో ఉండి తల్వార్​తో విన్యాసాలు చేయటంపై ఉన్నతాధికారులు ఆగ్రహం వ్యక్తం చేశారు.

గణేశ్​ నిమజ్జన వేడుకల్లో కత్తి తిప్పి కష్టాలు తెచ్చుకున్నారు ఓ పోలీసు అధికారి. రాజస్థాన్​ చిత్తోఢ్​గఢ్​లో గణపతి నిమజ్జనంలో పాల్గొన్న పోలీస్​ అధికారి హిమాన్షు సింగ్​.. తల్వార్​తో అద్భుత విన్యాసాలు చేశారు. ఈ వీడియో సామాజిక మాధ్యమాల్లో వైరల్​గా మారింది.

ఇదంతా బాగానే ఉన్నా యూనిఫాంలో ఉండి ఇలాంటి పనులు చేసినందుకు ఉన్నతాధికారులు ఆగ్రహం వ్యక్తం చేశారు. పోలీస్​ దుస్తులకు గౌరవం ఇవ్వకుండా వ్యవహరిస్తే కఠిన చర్యలు ఉంటాయని హెచ్చరించారు. ఈ ఘటనపై 3 రోజుల్లో వివరణ ఇవ్వాలని హిమాన్షును ఆదేశించారు అధికారులు.

గతంలోనూ ఉదయ్​పుర్​కు చెందిన ఓ అధికారి.. పెళ్లికి సంబంధించిన వీడియోలో యూనిఫాంతో కనిపించారు. ఇందులో తన భార్య నుంచి లంచం తీసుకున్నట్లు చూపించటం వల్ల ఆయనపై అధికారులు వేటు వేశారు.

ఇదీ చూడండి: పోలీస్ కొంప ముంచిన 'ప్రీ వెడ్డింగ్​ షూట్​'