రాజస్థాన్ రాజకీయాలు రోజుకో మలుపు తిరుగుతున్నాయి. హైకోర్టులో గహ్లోత్ సర్కారుకు ఎదురుదెబ్బ తగిలింది. తిరుగుబాటు నేత సచిన్ పైలట్ వర్గం ఎమ్మెల్యేలకు హైకోర్టులో ఊరట లభించింది. శాసనసభ్యులపై ఎలాంటి చర్యలు తీసుకోకుండా యథాతథస్థితి కొనసాగించాలని ఆదేశించింది కోర్టు.
కొద్ది రోజుల క్రితం కాంగ్రెస్ ఫిర్యాదు నేపథ్యంలో 19 మంది ఎమ్మెల్యేలకు అనర్హత నోటీసులు పంపించారు స్పీకర్ సీపీ జోషి. స్పీకర్ నిర్ణయాన్ని సవాల్ చేస్తూ హైకోర్టును ఆశ్రయించారు ఎమ్మెల్యేలు. పిటిషన్ను విచారించిన కోర్టు సభాపతి వారిపై ఎలాంటి చర్యలు తీసుకోవద్దని ఆదేశించింది.