22:10 July 14
భాజపా వ్యూహమేంటి?
రాజస్థాన్లో రాజకీయ సంక్షోభం నేపథ్యంలో బుధవారం జైపుర్లో భాజపా సమావేశంకానుంది. ఇందులో సీనియర్ నేతలు పాల్గొనున్నట్టు తెలుస్తోంది. అయితే భాజపా కీలక నేత, రాష్ట్ర మాజీ ముఖ్యమంత్రి వసుంధర రాజే ప్రస్తుతం ధోల్పుర్లో ఉన్నారు. ఆమె జైపుర్కు చేరుకున్న వెంటనే ఈ భేటీ ప్రారంభంకానుంది.
22:06 July 14
ముగిసిన భేటీ..
రాజస్థాన్ ముఖ్యమంత్రి అశోక్ గహ్లోత్ నివాసంలో కేబినెట్ సమావేశం ముగిసింది. ఈ సమావేశంతో పాటు మంత్రి మండలి భేటీ కూడా ముగిసింది. రాష్ట్రంలో తాజా పరిస్థితులపై మంత్రులు చర్చించినట్టు తెలుస్తోంది.
19:50 July 14
ధన్యవాదాలు తెలిపిన పైలట్...
సచిన్ పైలట్పై కాంగ్రెస్ వేటు వేసిన నేపథ్యంలో.. ఆయనకు రాజస్థాన్వ్యాప్తంగా అనేకమంది నుంచి మద్దతు లభిస్తోంది. పైలట్పై వేటుకు నిరసనగా ఇప్పటికే పలువురు పార్టీ జిల్లా అధ్యక్షులు, ఆఫీస్ బేరర్లు కాంగ్రెస్కు రాజీనామా చేశారు. వీటిపై పైలట్ స్పందించారు. తనకు మద్దతు తెలిపిన వారందరికీ హృదయపూర్వక ధన్యవాదాలు తెలిపారు పైలట్.
19:16 July 14
మరికాసేపట్లో కేబినెట్ భేటీ..
రాత్రి 7.30 గంటలకు రాజస్థాన్ కేబినెట్ సమావేశం జరగనుంది. ఇప్పటికే ముఖ్యమంత్రి అశోక్ గహ్లోత్.. తన మంత్రులతో కలిసి హోటల్ నుంచి నివాసానికి బయల్దేరారు.
18:53 July 14
రాజీనామాలు...
సచిన్ పైలట్ను డిప్యూటీ సీఎం, పీసీసీ చీఫ్ పదవుల నుంచి తప్పించడంపై రాజస్థాన్లో నిరసనలు మొదలయ్యాయి. ఈ మేరకు టాంక్ పట్టణంలో కాంగ్రెస్కు చెందిన 59మంది ఆఫీస్ బేరర్లు తమ రాజీనామాలను సమర్పించారు.
18:46 July 14
'సామర్థ్యానికి చోటు లేదు...'
రాజస్థాన్ సంక్షోభంపై భాజాపా ఎంపీ జ్యోతిరాదిత్య సింధియా స్పందించారు. ప్రస్తుతం కాంగ్రెస్లో శక్తి, సామర్థ్యాలకు చోటు లేదని వ్యాఖ్యానించారు. ఇది ప్రతి రాష్ట్రంలోనూ కనపడుతోందని వెల్లడించారు.
కాంగ్రెస్తో విభేదించిన సింధియా.. ఈ ఏడాది మార్చిలో పార్టీని వీడి భాజపాలో చేరారు. ఫలితంగా కమల్నాథ్ నేతృత్వంలోని మధ్యప్రదేశ్ ప్రభుత్వం కుప్పకూలింది. అనంతరం భాజపా ప్రభుత్వాన్ని స్థాపించింది. భాజపా తరపున మధ్యప్రదేశ్ నుంచి రాజ్యసభకు ఎంపీగా ఎంపికయ్యారు సింధియా.
17:56 July 14
కేబినెట్ సమావేశం...
సచిన్ పైలట్ను తొలగించిన అనంతరం రాజస్థాన్ ముఖ్యమంత్రి అశోక్ గహ్లోత్ స్పీడు పెంచారు. ఇప్పటికే గవర్నర్ను కలిసిన సీఎం.. తాజాగా కేబినెట్ సమావేశానికి పిలుపునిచ్చారు. ఈరోజు రాత్రి 7:30 గంటలకు జరగనున్న ఈ భేటీలో మంత్రి పదవులను పునర్యవస్థీకరించే అవకాశమున్నట్టు తెలుస్తోంది. అనంతరం రాత్రి 8 గంటలకు మంత్రి మండలితో గహ్లోత్ భేటీ కానున్నారు.
15:11 July 14
'సచిన్ కాదు.. ఇది భాజపా పనే'
గవర్నర్ను కలిసిన అనంతం మీడియాతో మాట్లాడారు ముఖ్యమంత్రి అశోక్ గహ్లోత్. రాజస్థాన్లో ప్రస్తుత పరిస్థితులకు భాజపా కారణమని మండిపడ్డారు. ప్రభుత్వాన్ని కుప్పకూల్చడానికి సుదీర్ఘంగా భాజపా కుట్ర పన్నుతోందని ఆరోపించారు. ఈ నేపథ్యంలోనే తమ మిత్రుల్లోని కొందరు దిల్లీ వెళ్లారని సచిన్ పైలట్ను పరోక్షంగా ఉద్దేశించి వ్యాఖ్యానించారు. భాజపా కుట్రలను అడ్డుకోవడానికి ఈ నిర్ణయం(పైలట్ తొలగింపు) తీసుకోక తప్పలేదన్నారు.
నిజానికి సచిన్ పైలట్ చేతుల్లో కూడా ఏమీ లేదని.. ఇదంతా భాజపా ఆడుతున్న నాటకమని తీవ్ర స్థాయిలో ఆరోపించారు గహ్లోత్. రిసార్టులను ఏర్పాటు చేసింది భాజపాయేనని.. మధ్యప్రదేశ్లో కాంగ్రెస్ను దెబ్బతీసిన బృందమే.. ఇక్కడ కూడా పని చేసిందని మండిపడ్డారు.
15:02 July 14
గవర్నర్ వద్దకు గహ్లోత్...
సచిన్ పైలట్ను తొలగించిన అనంతరం కాంగ్రెస్ వేగంగా అడుగులు వేస్తోంది. తాజాగా ముఖ్యమంత్రి అశోక్ గహ్లోత్ గవర్నర్ కల్రాజ్ మిశ్రాను కలిశారు. పైలట్ను డిప్యూటీ సీఎం పదవి నుంచి తొలగించాలన్న గహ్లోత్ ప్రతిపాదనను.. గవర్నర్ వెంటనే ఆమోదించారు. అదే విధంగా విశ్వేందర్ సింగ్, రమేశ్ మీనాలను మంత్రి పదవుల నుంచి తప్పించాలన్న గహ్లోన్ విజ్ఞప్తిని కూడా అంగీకరించారు గవర్నర్.
మరోవైపు కాంగ్రెస్ అధ్యక్షురాలు సోనియా గాంధీ నివాసానికి చేరుకున్నారు పార్టీ ప్రధాన కార్యదర్శి ప్రియాంకా గాంధీ. రాజస్థాన్ పరిణామాలపై వీరి మధ్య చర్చలు జరుగుతున్నాయి.
14:50 July 14
'నిజాన్ని ఓడించలేరు...'
రెబల్ నేత సచిన్ పైలట్ను డిప్యూటీ సీఎం, పీసీసీ చీఫ్ పదవుల నుంచి కాంగ్రెస్ తొలగించిన అనంతరం.. రాజస్థాన్లో రాజకీయ సంక్షోభం మరింత ముదిరింది. తాజాగా ఈ పూర్తి వ్యవహారంపై సచిన్ పైలట్ తొలిసారి స్పందించారు. 'నిజాన్ని అడ్డుకోవచ్చు కానీ.. ఓడించలేరు' అంటూ హిందీలో ట్వీట్ చేశారు.
అనంతరం తన ట్విట్టర్ బయో నుంచి కాంగ్రెస్కు సంబంధించిన వివరాలను తొలగించారు సచిన్ పైలట్.
13:45 July 14
సచిన్ పైలట్ను రాజస్థాన్ డిప్యూటీ సీఎం, పీసీసీ చీఫ్ పదవుల నుంచి తొలగించినట్లు సుర్జేవాలా తెలిపారు. ఆయన స్థానంలో గోవింద్ సింగ్ డోటాస్రాను నియమించినట్లు వెల్లడించారు.
రాజస్థాన్ కాంగ్రెస్ నిర్వహించిన సీఎల్పీ సమావేశంలో పైలట్ను పార్టీ నుంచి తొలగించాలని 102 మంది కాంగ్రెస్ ఎమ్మెల్యేలు ఏకగ్రీవంగా సమ్మతి తెలిపిన అనంతరం ఈ నిర్ణయాన్ని ప్రకటించారు సుర్జేవాలా.
రాజస్థాన్ ప్రభుత్వంలో సంక్షోభానికి భాజపానే కారణమని సూర్జేవాలా ఆరోపించారు. కాంగ్రెస్ శాసనసభ్యులను భాజపా ప్రలోభానికి గురిచేసిందన్నారు. సచిన్ పైలట్ను పార్టీ నుంచి తొలగించాలని తీర్మానం చేసినట్లు వెల్లడించారు.
13:39 July 14
రాజస్థాన్ ప్రభుత్వంపై తిరుగుబావుటా ఎగరేసిన సచిన్ పైలట్పై కాంగ్రెస్ వేటు వేసింది. ఆయనను ఉప ముఖ్యమంత్రి పదవి నుంచి లొలగిస్తున్నట్లు కాంగ్రెస్ అధికార ప్రతినిధి రణ్దీప్ సుర్జేవాలా ప్రకటించారు.
13:39 July 14
డిప్యూటీ సీఎం పదవి నుంచి సచిన్ పైలట్ తొలగింపు
రాజస్థాన్ డిప్యూటీ సీఎం పదవి నుంచి సచిన్ పైలట్ తొలగించినట్లు కాంగ్రెస్ అధికార ప్రతినిధి రణదీప్ సింగ్ సుర్జేవాలా ప్రకటించారు.
12:36 July 14
సచిన్ పైలెట్ వర్గంపై క్రమశిక్షణ చర్యలు
సచిన్ పైలట్, అతని వర్గంపై క్రమశిక్షణ చర్యలు తీసుకోవాలని కాంగ్రెస్ పార్టీ నిర్ణయించింది. ఈ మేరకు సీఎల్పీ భేటీలో తీర్మానాన్ని ఆమోదించారు.
12:36 July 14
12:19 July 14
జైపూర్ ఫెయిర్మౌంట్ హోటల్లో సీఎల్పీ భేటీ
రాజస్థాన్ జైపూర్‌లోని ఫెయిర్‌మాంట్ హోటల్లో కాంగ్రెస్ లెజిస్లేటివ్ పార్టీ (సీఎల్పీ) సమావేశం జరుగుతోంది.
10:34 July 14
పైలట్ను డిప్యూటీ సీఎం పదవి నుంచి తొలగించిన కాంగ్రెస్
రాజస్థాన్లో అశోక్ గహ్లోత్ ప్రభుత్వాన్ని కాపాడుకునేందుకు కాంగ్రెస్ చేస్తున్న బుజ్జగింపు ప్రయత్నాలు కొలిక్కిరావడం లేదు. మంగళవారం మరోసారి నిర్వహించిన సీఎల్పీ భేటీకి ఉపముఖ్యమంత్రి సచిన్ పైలట్‌తో పాటు ఆయన వర్గం హాజరు కాలేదు. కాంగ్రెస్ అధినేత్రి సోనియాగాంధీ, రాహుల్‌గాంధీ, ప్రియాంక గాంధీ, అహ్మద్‌ పటేల్‌, చిదంబరం, కేసీ వేణుగోపాల్‌ వంటి నేతలు సచిన్ పైలట్‌తో పలుమార్లు మాట్లాడినా ఫలితం లేకపోయింది. కాంగ్రెస్ అధిష్ఠానం సచిన్‌తో చర్చించేందుకు సుముఖంగా ఉన్నట్లు కాంగ్రెస్ వర్గాలు తెలిపాయి. అయితే సీఎల్పీ భేటీ అనంతరం తదుపరి కార్యాచరణపై స్పష్టత వచ్చే అవకాశాలు ఉన్నట్లు తెలుస్తోంది.
ఈ సంక్షోభం సమయంలో కాంగ్రెస్కు మిత్రపక్షమైన భారతీయ ట్రైబల్‌ పార్టీ(బీటీపీ) తటస్థంగా ఉండాలని నిర్ణయించింది. బీటీపీకి ఇద్దరు శాసనసభ్యులు ఉండగా వారు ముఖ్యమంత్రి, ఉపముఖ్యమంత్రి వర్గాలకు దూరంగా ఉండనున్నట్లు పార్టీ తెలిపింది.