ఏప్రిల్ ​15 వరకు రైల్వే మ్యూజియంలు బంద్​

రైల్వేకు చెందిన మ్యూజియంలు, హెరిటెజ్​ గ్యాలరీలు, పార్క్​లు ఏప్రిల్​ 15 వరకు మూసి వేయాలని రైల్వేశాఖ నిర్ణయించింది. ప్రాణాంతక కరోనా వైరస్​ను కట్టడి చేయడానికే ఈ నిర్ణయం తీసుకున్నట్లు స్పష్టం చేసింది.

దేశ వ్యాప్తంగా కరోనా వైరస్​ కేసులు పెరుగుతోన్న నేపథ్యంలో రైల్వేకు చెందిన మ్యూజియంలు, హెరిటెజ్​ గ్యాలరీలు, హెరిటేజ్ పార్కులను తాత్కాలికంగా మూసివేయాలని రైల్వేశాఖ నిర్ణయించింది. ఈ నిషేధం ఏప్రిల్​ 15 వరకు కొనసాగుతుందని వెల్లడించింది. కేంద్ర, రాష్ట్ర ప్రభుత్వాలు కలిసి ఈ నిర్ణయం తీసుకున్నట్లు స్పష్టం చేసింది.

"దిల్లీలోని జాతీయ రైల్వే మ్యూజియం, ప్రాంతీయ రైల్వే మ్యూజియంలు, హెరిటేజ్​ పార్కులు, గ్యాలరీలకు పెద్ద సంఖ్యలో చిన్నారులు, వృద్ధులు వచ్చే అవకాశం ఉంది. దేశంలో నెలకొన్న పరిస్థితుల దృష్ట్యా 2020 ఏప్రిల్​ 15 వరకు వాటిని మూసివేయాలని నిర్ణయించాం."

-రైల్వే శాఖ