'కాంగ్రెస్​ను నడిపే సత్తా రాహుల్​కు మాత్రమే ఉంది'

కాంగ్రెస్​ అధ్యక్ష పదవిని మరోసారి రాహుల్​ గాంధీకే ఇవ్వాలని పార్టీ వర్గాలు భావిస్తున్నాయి. పార్టీలో నాయకత్వ సమస్య ఉందని.. ఇందుకోసం ఎన్నికలు నిర్వహించాలని పలువురు నేతలు డిమాండ్​ చేస్తున్న నేపథ్యంలో.. అధ్యక్ష పదవికి రాహుల్​ మాత్రమే సరైన అభ్యర్థి అని పార్టీ శ్రేణులు అంటున్నారు.

నాయకత్వ సమస్యలు ఎదుర్కొంటున్న పార్టీని ముందుకు నడిపించేందుకు ఎన్నికలు నిర్వహించాలని పలువురు కాంగ్రెస్ నేతలు డిమాండ్​ చేస్తున్న తరుణంలో.. అధ్యక్ష పదవికి రాహుల్ గాంధీ మాత్రమే సరైన అభ్యర్థి అని పార్టీ వర్గాలు భావిస్తున్నాయి.

పార్టీ నాయకులంతా రాహుల్​నే అధ్యక్షుడు కావాలని కోరుకుంటున్నారని.. అందుకు ఎన్నికలు కూడా అవసరం లేదని వారు భావిస్తున్నట్లు కాంగ్రెస్ వర్గాలు చెబుతున్నాయి. కాంగ్రెస్​లో నాయకత్వ సమస్యపై ప్రస్తుతం భిన్న స్వరాలు వినిపిస్తున్నాయి. ఈ నేపథ్యంలో కాంగ్రెస్​ సీనియర్ నాయకులు ఒకరు రాహుల్​కు అధ్యక్ష భాధ్యతలు ఇవ్వడం ఆమోదయోగ్యమేనని.. ఆయనకు పార్టీని నడిపే సామర్థ్యం ఉందని ఉద్ఘాటించారు.

ఏప్రిల్​లో పార్టీ ప్లీనరీ నిర్వహించాలని కాంగ్రెస్ భావిస్తోంది. అప్పుడే రాహుల్​ను అధ్యక్ష పదవికి ఎంపిక చేసే అవకాశాలున్నాయని కొందరు నేతలు అభిప్రాయపడుతున్నారు.

నాయకత్వమే సమస్య..

కాంగ్రెస్​కు నాయకత్వమే ప్రశ్నార్థకంగా మారిందని ఆ పార్టీ సీనియర్ నేత, మాజీ ఎంపీ సందీప్ దీక్షిత్ ఇటీవలే అన్నారు. ఈ వ్యాఖ్యలను సమర్థించిన మరో సీనియర్ నేత శశిథరూర్​.. పార్టీలో ఉత్సాహాన్ని, ఓటర్లలో ప్రేరణను తీసుకువచ్చేందుకు పార్టీ సంస్థాగత ఎన్నికల్ని నిర్వహించాలని కాంగ్రెస్​ వర్కింగ్ కమిటీని కోరారు.

ఇదీ చూడండి:ఓవైసీ సమక్షంలో యువతి పాకిస్థాన్ అనుకూల వ్యాఖ్యలు