చౌకీదార్​ను పదవి నుంచి తప్పిస్తారు: రాహుల్​

ప్రధాని నరేంద్ర మోదీపై విరుచుకుపడ్డారు కాంగ్రెస్ అధ్యక్షుడు రాహుల్​ గాంధీ. చౌకీదార్​ను పదవి నుంచి దించేయాలని దేశ ప్రజలంతా నిర్ణయం తీసుకున్నారని వ్యాఖ్యానించారు. రఫేల్​ ఒప్పందంపై సమగ్ర విచారణ జరిగితే మోదీ సహా ఆయన సన్నిహితులు అనిల్ అంబానీ వంటి వారు జైలుకు వెళ్లక తప్పదని  బిహార్​లో ఎన్నికల ప్రచారంలో రాహుల్ ఆరోపించారు​.

ప్రధాని నరేంద్ర మోదీపై విమర్శలను తీవ్రం చేశారు కాంగ్రెస్ అధ్యక్షుడు రాహుల్ గాంధీ. చౌకీదార్​గా ఉంటానని గత ఎన్నికల్లో ఇచ్చిన హామీని మోదీ విస్మరించారని ఆరోపించారు. అంబానీ వంటి ధనికులను మాత్రమే రక్షిస్తున్న ఆయనను పదవి నుంచి తప్పించాలని ప్రజలంతా స్పష్టమైన నిర్ణయం తీసుకున్నారని రాహుల్​ అభిప్రాయపడ్డారు. మరోసారి మోదీని ప్రధానిని చేయడానికి ప్రజలు సిద్ధంగా లేరన్నారు.

బిహార్​ ఎన్నికల ప్రచారంలో ప్రధానిపై విమర్శలు గుప్పించారు రాహుల్​. రఫేల్​ ఒప్పందంపై సమగ్ర విచారణ జరిపితే ప్రధాని సహా ఆయన సన్నిహితులందరూ జైలుకు వెళ్లక తప్పదని జోస్యం చెప్పారు. మోదీ ప్రభుత్వం పేదలకు అన్యాయం చేస్తే కాంగ్రెస్ 'న్యాయ్​' పథకం ద్వారా న్యాయం చేస్తుందన్నారు. 5 కోట్ల మంది పేద కుటుంబాలకు ఏటా రూ.72వేల ఆర్థిక సాయం కచ్చితంగా అందిస్తామని రాహుల్​ పునరుద్ఘాటించారు.

ఇదీ చూడండి:మోదీ వెబ్​ సిరీస్​పైనా ఈసీ నిషేధం