కేంద్ర ప్రభుత్వం తీసుకొచ్చిన వ్యవసాయ రంగ బిల్లులపై తీవ్ర విమర్శలు చేశారు కాంగ్రెస్ నేత రాహుల్ గాంధీ. రెండు వ్యవసాయ బిల్లులను ఆమోదించటం ద్వారా రైతులపై ప్రభుత్వం డెత్ వారెంట్లు జారీ చేసిందని అభిప్రాయపడ్డారు. మోదీ సర్కార్ విధానాలతో ప్రజాస్వామ్యం సిగ్గుపడుతోందని ఆరోపించారు.
"రైతులు భూమిలోంచి బంగారాన్ని పండిస్తున్నారు. కానీ, మోదీ ప్రభుత్వం అహంకారంతో రైతుల కన్నీటి నుంచి రక్తం వచ్చేలా చేస్తోంది. రాజ్యసభలో ఆమోదించిన రెండు వ్యవసాయ బిల్లుల రూపంలో.. ప్రభుత్వం రైతులకు డెత్ వారెంట్లు జారీ చేసింది. ఈ విధానాలతో ప్రజాస్వామ్యం సిగ్గుపడింది."