'న్యాయ్'పై రాహుల్
కాంగ్రెస్ ప్రతిపాదించిన కనీస ఆదాయ పథకం 'న్యాయ్'... దేశ ఆర్థిక వ్యవస్థకు ఇంధనంగా పనిచేయనుందని ఆ పార్టీ అధ్యక్షుడు రాహుల్ గాంధీ స్పష్టం చేశారు. అధికారంలోకి వచ్చిన తొలి ఏడాదిలోనే 22 లక్షల మంది యువతకు ఉద్యోగాలు కల్పిస్తామని హామీ ఇచ్చారు.
రాజస్థాన్ ధోల్పూర్లోని సిపాయూ పట్టణంలో ఎన్నికల ప్రచారం నిర్వహించారు రాహుల్. ప్రధానమంత్రి నరేంద్ర మోదీపై తీవ్ర విమర్శలు చేశారు. ప్రధాని బ్యాంకు ఖాతాలు తెరిపించారు.. కానీ డబ్బులు వేయలేదని రాహుల్ దుయ్యబట్టారు. తాము అధికారం చేపట్టిన ఐదేళ్లలో కచ్చితంగా 3లక్షల 60 వేల రూపాయలను మహిళల బ్యాంకు ఖాతాల్లో వేస్తామన్నారు. ధనికులకు ప్రధాని సహాయం చేస్తుంటే... పేదలకు కాంగ్రెస్ అండగా నిలుస్తుందని భరోసా ఇచ్చారు రాహుల్.