కేంద్ర మాజీమంత్రి, ఆర్జేడీ నేత రఘువంశ్​కు కరోనా

కేంద్ర మాజీమంత్రి, రాష్ట్రీయ జనతాదళ్​ పార్టీ జాతీయ ఉపాధ్యక్షుడు రఘువంశ్​ ప్రసాద్​ సింగ్​కు కరోనా సోకింది. పట్నా ఎయిమ్స్​లో పరీక్షలు నిర్వహించగా.. ఆయనకు వైరస్​ సోకినట్లు వైద్యులు తేల్చారు. ప్రస్తుతం ఐసోలేషన్​ వార్డులో ఉంచి చికిత్స అందిస్తున్నారు.

రాష్ట్రీయ జనతాదళ్​ పార్టీ జాతీయ ఉపాధ్యక్షుడు రఘువంశ్​ ప్రసాద్​ సింగ్​కు కరోనా పాజిటివ్​గా తేలింది. మంగళవారం పట్నా ఎయిమ్స్​ ఆసుపత్రిలో చేరిన ఆయనకు కొవిడ్​-19 పరీక్షలు నిర్వహించగా.. వైరస్​ సోకినట్లు నిర్ధరణ అయింది. గతంలో కేంద్రమంత్రిగానూ బాధ్యతలు నిర్వర్తించారు రఘువంశ్​.

జలుబు, దగ్గుతో పాటు ఇతర కరోనా లక్షణాలు బయటపడినందున ముందు జాగ్రత్తగా మంగళవారమే ఆసుపత్రిలో చేరారు రఘువంశ్. ప్రస్తుతం ఆయనను ఐసోలేషన్​ వార్డులో ఉంచి చికిత్స అందిస్తున్నారు.

అనుమతి నిరాకరణ..

కరోనాతో బాధపడుతున్న తమ పార్టీ ఉపాధ్యక్షుడిని పరామర్శించేందుకు తేజస్వీ యాదవ్​ అనుమతి కోరగా ఎయిమ్స్​ అధికారులు నిరాకరించినట్లు తెలుస్తోంది.

ఇదీ చూడండి : దేశం ఏదైనా... దౌర్జన్యమే డ్రాగన్​ విధానం