వాయుసేన 17వ స్క్వాడ్రన్​లో చేరిన రఫేల్​

నాలుగేళ్ల నిరీక్షణ ఫలించింది. భారత వాయుసేన అమ్ములపొదిలోకి భీకర రఫేల్ యుద్ధవిమానాలు అధికారికంగా చేరాయి. భారత్​, ఫ్రాన్స్​ రక్షణ మంత్రుల సమక్షంలో 17వ స్క్వాడ్రన్​ 'గోల్డెన్​ యారోస్​'కు రఫేల్​ను రక్షణ శాఖ అప్పగించింది.

భారత వాయుసేన అమ్ముల పొదిలో విధ్వంసక యుద్ధ విమానాలు 'రఫేల్​' అధికారికంగా చేరాయి. అంబాలా వైమానిక స్థావరంలో భారత్, ఫ్రాన్స్ రక్షణ మంత్రులు రాజ్​నాథ్ సింగ్, ఫ్లోరెన్స్ పార్లీ సమక్షంలో 17వ స్క్వాడ్రన్​ 'గోల్డెన్​ యారోస్​'కు రఫేల్​ను అప్పగించింది రక్షణ శాఖ.

రాజ్​నాథ్​, ఫార్లీ

వాయుసేనకు రఫేల్ యుద్ధ విమానాలు అప్పగించేందుకు అంబాలా ఎయిర్​బేస్​లో ప్రత్యేక కార్యక్రమం ఏర్పాటు చేసింది రక్షణ శాఖ. దీనికి రాజ్​నాథ్ సింగ్, ఫ్లోరెన్స్ పార్లీ, త్రిదళాధిపతి జనరల్​ బిపిన్​ రావత్​, వాయుసేన సారథి రాకేశ్​ కుమార్​ సింగ్​ భదౌరియా, రక్షణ కార్యదర్శి అజయ్ కుమార్​లు ముఖ్య అతిథులుగా హాజరయ్యారు.

సర్వ ధర్మ పూజ

రఫేల్​కు పూజలు...

సంప్రదాయ పద్ధతిలో రఫేల్ విమానాలకు 'సర్వ ధర్మ పూజ' చేశారు.

ప్రార్థనలు చేస్తూ..

రాజ్​నాథ్​తో పార్లీ భేటీ..

రఫేల్​ యుద్ధ విమానాలు అధికారికంగా వైమానదళంలోకి చేరే కార్యక్రమానికి హాజరయ్యే ముందు పార్లీతో భేటీ అయ్యారు రాజ్​నాథ్​ సింగ్​. పాలమ్​ వాయుసేన కేంద్రంలో ఇరువురు సమావేశంపై పలు అంశాలపై చర్చించినట్లు రక్షణ శాఖ కార్యాలయం తెలిపింది.

నాలుగు సంవత్సరాల క్రితం భారత్‌, ఫ్రాన్స్‌కు మధ్య 36 రఫేల్ విమనాల కోసం ఒప్పందం కుదిరింది. ఆ ఒప్పందం విలువ రూ.59,000 కోట్లు. ఆ విమానాల తయారీ బాధ్యతను ఆ దేశానికి చెందిన ఏరోస్పేస్‌ సంస్థ దసో ఏవియేషన్‌ తీసుకుంది. దానిలో భాగంగా మొదటి బ్యాచ్‌కు చెందిన ఐదు విమానాలు జులై 29న పంజాబ్‌లోని అంబాలాకు చేరుకున్నాయి.

ఇదీ చూడండి:రఫేల్​ ఎంట్రీకి ముందు ఫ్రాన్స్​ కీలక వ్యాఖ్యలు