మోటార్​ సైకిల్​, ఎద్దు బండి మధ్య ఆకతాయిల రేస్

ఉత్తరప్రదేశ్​ మేరఠ్​లో కొందరు ఆకతాయిలు దున్నపోతు లాగే బండి, మోటారు సైకిళ్లకు మధ్య రేస్ పెట్టారు. నిబంధనలను ఉల్లంఘించి యువకులు చేసిన దుస్సాహసం వికటించింది. రోడ్డు విభాగినిని ఢీకొట్టడం వల్ల బండిపై ఉన్నవారు ఎగిరిపడ్డారు.

రోడ్డు భద్రతపై ప్రభుత్వం ఎన్ని కఠిన నిబంధనలు తీసుకొస్తున్నా కొంతమందిలో మాత్రం ఎలాంటి మార్పు రావటం లేదు. భారీ జరిమానాలతో కొరడా ఝళిపిస్తున్నా ట్రాఫిక్​ ఉల్లం'ఘను'ల తీరు మారడంలేదు. ఇందుకు నిదర్శనం.. ఉత్తరప్రదేశ్​ మేరఠ్​లో జరిగిన తాజా సంఘటన.

మేరఠ్​లోని ఓ రహదారిపై దున్నపోతు లాగే బండి, మోటారుసైకిళ్లకు మధ్య రేసు పెట్టారు కొందరు ఆకతాయిలు. వేగంగా వెళ్లాలని ఆ పశువును హింసించగా.. తప్పించుకునేందుకు ప్రయత్నించింది ఆ దున్నపోతు. ఈ ప్రయత్నంలో బండి డివైడర్​ను ఢీకొట్టింది. దానిపై ప్రయాణిస్తున్న యువకులు 2 మీటర్ల దూరం ఎగిరిపడ్డారు. ప్రస్తుతం ఈ వీడియో సామాజిక మాధ్యమాల్లో వైరల్​ అవుతోంది.

ఈ ఘటనపై స్థానికులు మండిపడుతున్నారు. ఇలాంటి చేష్టలు... వారికే కాకుండా ఇతరులకూ ప్రమాదం కలిగిస్తాయని ఆగ్రహం వ్యక్తం చేశారు.

ఇదీ చూడండి: లంచం అడిగిన తహసీల్దార్​కు దున్నపోతు బహుమానం!