'ఏడాదిలో 359 రోజులు వారణాసిలో 144 సెక్షన్​'

ప్రధాని నరేంద్ర మోదీపై కాంగ్రెస్ ప్రధాన కార్యదర్శి ప్రియాంక గాంధీ ట్విట్టర్ వేదికగా విరుచుకుపడ్డారు. ప్రజలు దేనికీ భయపడాల్సింది లేదని చెబుతున్న మోదీ... తన సొంత నియోజకవర్గం వారణాసిలో మాత్రం సుమారు ఏడాదిపాటు సెక్షన్​-144 విధించారని మండిపడ్డారు.

కాంగ్రెస్ ప్రధాన కార్యదర్శి ప్రియాంక గాంధీ.. ప్రధాని నరేంద్ర మోదీపై మండిపడ్డారు. ప్రధాని సొంత నియోజకవర్గం వారణాసిలో ఏడాదిలో 359 రోజులపాటు సెక్షన్​ 144 విధించారని.. మోదీ మాత్రం ప్రజలు దేనికీ భయపడాల్సిన అవసరం లేదని చెబుతున్నారని వ్యంగ్యాస్త్రాలు సంధించారు.

ఏడాదిలో 359 రోజులు వారణాసిలో సెక్షన్​ 144

"2019లో 359 రోజులపాటు ప్రధాని మోదీ సొంత నియోజకవర్గం వారణాసిలో సెక్షన్​ 144 విధించారు. మరోవైపు ప్రజలు దేనికీ భయపడాల్సిన అవసరంలేదని మోదీ చెబుతున్నారు?"- ప్రియాంక గాంధీ, కాంగ్రెస్ ప్రధాన కార్యదర్శి ట్వీట్​

వారణాసిలో 359 రోజుల పాటు సెక్షన్ 144 విధించినట్లు బెనారస్ విశ్వవిద్యాలయ విద్యార్థులు ఆరోపించారు. దీనినే ఓ మీడియా రిపోర్ట్ చేసింది. ఈ రిపోర్ట్​ను ఉటంకిస్తూ ప్రియాంక గాంధీ మోదీపై విమర్శలు సంధించారు.

క్రిమినల్ ప్రొసీజర్ కోడ్ (సీఆర్​పీసీ)​ ప్రకారం, ఎగ్జిక్యూటివ్​ మేజిస్ట్రేట్​ ఓ ప్రాంతంలో నలుగురికి పైగా వ్యక్తులు సమావేశం కావడాన్ని నిషేధించవచ్చు.

ఇదీ చూడండి:విధుల్లో జవాన్ మృతి.. తట్టుకోలేక భార్య ఆత్మహత్య