ఇందిరా గాంధీకి కాంగ్రెస్ ప్రముఖుల నివాళులు

మాజీ ప్రధాని దివంగత ఇందిరా గాంధీకి నివాళులు అర్పించారు కాంగ్రెస్ నేతలు సోనియా గాంధీ, రాహుల్​ గాంధీ. దిల్లీలోని శక్తి స్థల్​లో ఇందిరాగాంధీకి పూలతో శ్రద్ధాంజలి ఘటించారు ప్రియాంక గాంధీ.

మాజీ ప్రధానమంత్రి దివంగత ఇందిరా గాంధీ 36వ వర్ధంతి సందర్భంగా.. కాంగ్రెస్​ ప్రముఖులు నివాళులు అర్పించారు. ఆమె సాధించిన విజయాలను ఈ సందర్భంగా గుర్తు చేసుకుంటూ ట్వీట్​ చేశారు సోనియా, రాహుల్​ గాంధీ.

"అసత్యం నుంచి సత్యం.. చీకటి నుంచి వెలుగు.. మృత్యువు నుంచి అమృతత్వం వైపు.. ఈ పదాలతో జీవించడం అంటే ఏమిటో నాకు చూపించినందుకు ధన్యవాదాలు దాదీ"

- రాహుల్​ గాంధీ, కాంగ్రెస్​ నేత

శక్తిస్థల్​ వద్ద ప్రియాంక నివాళులు

దిల్లీలోని ఇందిరా స్మారక శక్తిస్థల్​ వద్ద పూలతో శ్రద్ధాంజలి ఘటించారు కాంగ్రెస్​ ప్రధానకార్యదర్శి ప్రియాంక గాంధీ.

ఇందిరా గాంధీ 1966-1977 వరకు ప్రధానిగా పని చేశారు. భారత తొలి మహిళా ప్రధాని ఇందిరానే. మరోమారు 1980లో ప్రధానిగా బాధ్యతలు చేపట్టారు. 1984, అక్టోబర్​ 31న అక్బర్​ రోడ్​ లోని ఆమె అధికారిక నివాసంలో ఇద్దరు బాడీగార్డ్స్​ కాల్పులు జరపటం వల్ల ఆమె ప్రాణాలు కోల్పోయారు.

ఇదీ చూడండి: ఐక్యతా విగ్రహం వద్ద పటేల్​కు మోదీ నివాళి