రేపు ఉదయం జాతినుద్దేశించి మోదీ ప్రసంగం

రేపు ఉదయం 10 గంటలకు ప్రధాని నరేంద్ర మోదీ జాతినుద్దేశించి మాట్లాడనున్నారు. రేపటితో 21 రోజుల లాక్​డౌన్​ గడువు పూర్తి కానున్న నేపథ్యంలో ఈ ఆంక్షలను మరికొంత కాలం పొడిగించే విషయంపై స్పష్టత వచ్చే అవకాశం ఉంది.

ప్రధాని నరేంద్ర మోదీ రేపు ఉదయం 10 గంటలకు జాతినుద్దేశించి ప్రసంగించనున్నారు. కరోనా వైరస్ వ్యాప్తిని అరికట్టడానికి దేశవ్యాప్తంగా విధించిన 21 రోజుల లాక్​​డౌన్​ రేపటితో ముగియనుంది. ఈ క్రమంలో లాక్​డౌన్​ పొడిగింపుపై మోదీ స్పష్టతనిచ్చే అవకాశం ఉంది. ఇప్పటికే లాక్​డౌన్​ పొడిగించాలంటూ పలు రాష్ట్రాల ముఖ్యమంత్రులు ప్రధానికి విజ్ఞప్తి చేశారు.

గతనెలలో రెండు సార్లు మోదీ ప్రజల ముందుకొచ్చారు. మార్చి 22న దేశమంతటా జనతా కర్ఫ్యూ ప్రకటించగా... అనంతరం మార్చి 24న దేశవ్యాప్తంగా 21 రోజుల లాక్​డౌన్​ విధించారు.

ఈ మధ్యలో ఏప్రిల్​ 3న ప్రజలకు వీడియో సందేశమిచ్చారు. ఏప్రిల్​ 5న అందరూ ఇళ్లలో లైట్లు ఆపి రాత్రి 9 గంటలకు దీపాలు వెలిగించి కరోనాపై పోరులో దేశ ఐక్యతను చాటాలని పిలుపునిచ్చారు.