'కృతిమ మేధ, మానవత మధ్య సమన్వయం అవసరం'

దేశ నిర్మాణానికి కృతిమ మేధస్సు, మానవత మధ్య సమన్వయం అవసరమని పేర్కొన్నారు రాష్ట్రపతి రామ్​నాథ్​ కోవింద్​. దిల్లీలోని విజ్ఞాన్​ భవన్​లో జరిగిన ఉపాధ్యాయ దినోత్సవానికి హాజరై పురస్కారాలు అందించారు.

దేశ నిర్మాణంలో ఉపాధ్యాయుల పాత్ర ఎనలేనిదని కొనియాడారు రాష్ట్రపతి రామ్​నాథ్​ కోవింద్​. జాతీయ ఉపాధ్యాయ దినోత్సవం సందర్భంగా దిల్లీలోని విజ్ఞాన్​ భవన్​లో జరిగిన కార్యక్రమానికి హాజరయ్యారు.

ప్రపంచీకరణ, పోటీ యుగంలో కృతిమ మేధస్సు, మానవత మధ్య సమన్వయం ఉండాలని అభిప్రాయపడ్డారు కోవింద్.

" ఈ కార్యక్రమం ద్వారా జాతీయ ఉత్తమ పురస్కారం అందుకుంటున్న ఉపాధ్యాయులందరికీ నా హృదయపూర్వక అభినందనలు. ఈ పురస్కారం విద్యార్థుల ప్రతిభ మెరుగుపరిచేందుకు, వారి భవిష్యత్తును తీర్చిదిద్దేందుకు మీరంతా నిబద్ధులై ఉండాలని అందించినది."

- రామ్​నాథ్​ కోవింద్​, రాష్ట్రపతి

దేశవ్యాప్తంగా ఉత్తమ సేవలందించిన 46 మందిని జాతీయ ఉత్తమ ఉపాధ్యాయుల పురస్కారానికి ఎంపిక చేసింది మానవ వనరుల అభివృద్ధి మంత్రిత్వ శాఖ. వారికి అవార్డులు అందజేశారు రాష్ట్రపతి కోవింద్​.

ఇదీ చూడండి: 'ఆర్థిక వ్యవస్థ కొత్త పుంతలు తొక్కేలా నవ్యావిష్కరణలు'