సిక్కుల పుణ్యక్షేత్రాలను అనుసంధానించే కర్తార్పుర్ ఆధ్యాత్మిక నడవా వచ్చే నెలలో ప్రారంభం కానుంది. ప్రారంభోత్సవానికి రాష్ట్రపతి రామ్నాథ్ కోవింద్, ప్రధానమంత్రి నరేంద్రమోదీ, మాజీ ప్రధాని మన్మోహన్ సింగ్కు ఆహ్వానం పలికారు పంజాబ్ ముఖ్యమంత్రి అమరీందర్ సింగ్. ఇందుకు ముగ్గురు నేతలు సానుకూలంగా స్పందించినట్లు తెలుస్తోంది.
తొలి బృందంలో మన్మోహన్...
నడవా ప్రారంభమయ్యాక పాకిస్థాన్లోని కర్తార్పుర్ సాహిబ్ గురుద్వారాకు నవంబర్ 9న వెళ్లే తొలి బృందంలో భాగమవ్వాలని మన్మోహన్ను కోరారు అమరీందర్. ఇందుకు ఆయన అంగీకరించారని సీఎం కార్యాలయ వర్గాలు వెల్లడించాయి. ఈ తొలి బృందంలో అన్ని పార్టీలకు చెందిన నేతలు సభ్యులుగా ఉండే అవకాశం ఉంది.