'పార్లమెంటుపై దాడి' అమరులకు ఘన నివాళులు

18 ఏళ్ల క్రితం పార్లమెంట్​పై జరిగిన ఉగ్రదాడిలో ప్రాణాలు కోల్పోయిన అమరులకు రాష్ట్రపతి, ఉపరాష్ట్రపతి, ప్రధాని, సహా పలువురు నేతలు ఘననివాళి అర్పించారు. ఉగ్రవాదాన్ని సమూలంగా నిర్మూలించాలన్న సంకల్పానికి కట్టుబడి ఉన్నట్లు స్పష్టంచేశారు.

2001 పార్లమెంట్​పై ముష్కరుల దాడిలో ప్రాణాలు కోల్పోయిన అమరులకు రాష్ట్రపతి రామ్​నాథ్ కోవింద్ ట్విట్టర్ వేదికగా ఘన నివాళులు అర్పించారు. ఉపరాష్ట్రపతి వెంకయ్య నాయుడు, ప్రధాని నరేంద్ర మోదీ, హోంమంత్రి అమిత్​షా, మాజీ ప్రధాని మన్మోహన్​సింగ్ సహా పలువురు నేతలు పార్లమెంటు ప్రాంగణంలో అమరులకు పుష్పాంజలి ఘటించారు.

అమరుల త్యాగం

'పార్లమెంటుపై దాడి' అమరులకు ఘన నివాళులు

"2001లో భయంకరమైన ఉగ్రదాడి నుంచి పార్లమెంట్​ను రక్షించేందుకు ప్రాణాలు అర్పించిన అమరవీరులకు నివాళులు అర్పిస్తున్నాను. ఉగ్రవాదం ఏ రూపంలో ఉన్నా ఆ మహమ్మారిని సమూలంగా నిర్మూలించాలన్న సంకల్పానికి మేము కట్టుబడి ఉన్నాం."
- రామ్​నాథ్​ కోవింద్, రాష్ట్రపతి

కేంద్ర మంత్రులు, వేర్వేరు రాష్ట్రాల ముఖ్యమంత్రులు పార్లమెంటు దాడి అమరులకు నివాళులు అర్పించారు.

18 ఏళ్ల క్రితం..

2001 డిసెంబర్​ 13న లష్కరే తోయిబా, జైషే మహ్మద్ ఉగ్రవాదులు పార్లమెంట్​పై దాడి చేశారు. ముష్కరులను నిలువరించే ప్రయత్నంలో వీరోచితంగా పోరాడిన 9 మంది అమరులయ్యారు. ఈ దాడిలో పాల్గొన్న ఐదుగురు ఉగ్రవాదులను భద్రతాదళాలు హతమార్చాయి.

ఇదీ చూడండి: 'మతపరమైన మైనారిటీల హక్కులను పరిరక్షించండి'