జమ్ముకశ్మీర్​లో మొబైల్​ సేవల పునరుద్ధరణ

జమ్ము కశ్మీర్​లో ప్రీపెయిడ్ మొబైల్​ సేవలు సహా రెండు జిల్లాల్లో 2జీ సేవలను పునరుద్ధరించారు అధికారులు. వాయిస్, ఎస్​ఎంఎస్​ సేవలను ప్రారంభించినట్లు తెలిపారు. అయితే అంతర్జాల సేవలను అందించడానికి వినియోగదారుల ధ్రువపత్రాలను పరిశీలించాలని టెలికాం కంపెనీలకు ఆదేశాలు జారీ అయ్యాయి.

గత ఏడాది ఆగస్టు 5న అధికరణ 370 రద్దు తర్వాత జమ్ము కశ్మీర్‌లో విధించిన ఆంక్షలను క్రమంగా సడలిస్తున్నారు. జమ్ముకశ్మీర్‌లో ప్రీపెయిడ్‌ మొబైల్​ సేవలను పునరుద్ధరించగా, రెండు జిల్లాల్లో 2జీ సేవలను తిరిగి ప్రారంభించారు. కేంద్ర పాలిత ప్రాంతం అంతటా వాయిస్, ఎస్​ఎంఎస్​ సేవలు అందుబాటులోకి వచ్చాయి.

అయితే వినియోగదారుల పత్రాలను పరిశీలించిన తర్వాతే అంతర్జాల సేవలను అందించాలని టెలికాం కంపెనీలను జమ్ముకశ్మీర్ ప్రభుత్వం ఆదేశించింది. అంతర్జాల సేవలు అందించేందుకు పరిమితి విధించుకోవాలని సూచించింది.

ఆర్టికల్-370 రద్దు అనంతరం జమ్ములో అంతర్జాల, టెలికాం సేవలను నిలిపివేయగా... తాజాగా ఆంక్షలను సమీక్షించాలని సుప్రీం కోర్టు ఇచ్చిన ఆదేశాలతో అధికారులు పునరుద్ధరణ చర్యలు చేపట్టారు.

ఇదీ చదవండి: నిర్భయ దోషి పిటిషన్​పై ఈనెల 20న సుప్రీంలో విచారణ