చికిత్సకు స్పందిస్తున్న ప్రణబ్​.. నిలకడగా ఆరోగ్యం

మాజీ రాష్ట్రపతి ప్రణబ్​ ముఖర్జీ కోలుకుంటున్నట్లు ఆయన కుమారుడు అభిజిత్​ ముఖర్జీ తెలిపారు. తన తండ్రి ఆరోగ్య పరిస్థితి గురించి ట్వీట్​ చేశారు. అయితే ఆసుపత్రి వైద్యులు ఇందుకు భిన్నంగా బులెటిన్​ విడుదల చేశారు.

మాజీ రాష్ట్రపతి ప్రణబ్​ ముఖర్జీ ఆరోగ్యం కుదుటపడుతోందని... చికిత్సకు స్పందిస్తున్నట్లు తెలిపారు ఆయన కుమారుడు అభిజిత్​ ముఖర్జీ. ఈ మేరకు ఆయన చేసిన ట్వీట్​లో పేర్కొన్నారు.

కోలుకుంటున్న ప్రణబ్​.. చికిత్సకు స్పందిస్తున్నారు!

"నేను ఆయన్ని కలిశాను. ఆయన కోలుకోవాలని అందరూ ఆకాంక్షించడం వల్ల.. రికవరీ అవుతున్నారు. చికిత్సకు స్పందిస్తున్నారు. ఆయన ఆరోగ్య సూచీలన్నీ బాగున్నాయి. తొందరలోనే కోలుకుంటారని ఆశిస్తున్నాను."

- అభిజిత్​ ముఖర్జీ

అయితే దిల్లీ ఆర్మీ ఆసుపత్రి వైద్యులు ఇందుకు భిన్నంగా బులెటిన్​ విడుదల చేశారు. 'ప్రణబ్​ ఆరోగ్య పరిస్థితిలో ఏ మాత్రం మార్పు లేదు. కీలక ఆరోగ్య సూచీలన్నీ స్థిరంగా ఉన్నాయి. వెంటిలేటర్​ సాయంతో చికిత్స పొందుతున్నారు' అని తెలిపారు.

ఇదీ చూడండి: చైనా ఆక్రమణకు మోదీ పిరికితనమే కారణం: రాహుల్​