సంక్షోభం నుంచి గట్టెక్కించడంలో దాదా లెక్కేవేరు
"పార్టీలో అంతర్గత కలహాలా..? పార్లమెంటులో విపక్షాల నిరసనలా? మిత్ర పక్షాలు గరంగా ఉన్నాయా..? అయితే చర్చలకు దాదాను పంపండి" దశాబ్దాలుగా కాంగ్రెస్కు ప్రణబ్ ముఖర్జీ మీద ఉన్న నమ్మకం ఇది. పార్టీలో ఆయన పరిష్కరించని సమస్యే లేదు. అందుకే సంక్షోభం వచ్చిన ప్రతిసారి.. అధిష్ఠానానికి ఆయనో వజ్రాయుధం అయ్యారు.
ప్రణబ్ ముఖర్జీ
పార్టీలోనూ, పార్లమెంట్ వ్యవహారాల్లోనూ సంక్షోభం తలెత్తినప్పుడల్లా కాంగ్రెస్ అధిష్ఠానానికి ముందు గుర్తొచ్చేది ప్రణబ్ ముఖర్జీనే. ఎందుకంటే నెహ్రూ కుటుంబంలోని మూడు తరాల నేతలకు ఆయన అత్యంత సన్నిహితుడు. పార్టీలో ఎన్ని వివాదాలెదురైనా చాకచక్యంగా పరిష్కరించారు దాదా. ఆయన పరిష్కరించిన సమస్యలు మచ్చుకు కొన్ని....
- రాజీవ్ మరణానంతరం అప్పట్లో కాంగ్రెస్ అధ్యక్షుడిగా ఉన్న సీతారాం కేసరి... చివరి శ్వాస వరకు అ పదవిలోనే కొనసాగాలన్న పట్టుదలతో ఉన్నప్పుడు ఆయన్ను తప్పించే బాధ్యత ప్రణబ్కే అప్పగించారు సోనియా. 1988 మార్చి 14న తన నివాసంలో సీతారాంతో చర్చలు జరిపి ఆ పనిని విజయవంతంగా పూర్తి చేశారు దాదా. మన్మోహన్ సింగ్తో ప్రణబ్
- శరద్ పవార్, పి.ఎ.సంగ్మా, తారిఖ్ అన్వర్ వంటి ప్రముఖ రాజకీయ నాయకులు.. సోనియా విదేశీయత అంశంపై ప్రశ్నల వర్షం కురిపిస్తోన్న సమయంలోనూ ఆమెకు ప్రణబే గుర్తొచ్చారు. వారినెదుర్కొనే బాధ్యత మళ్లీ దాదాకే అప్పగించారు. దీనినీ సమర్థంగా నిర్వర్తించారు ముఖర్జీ. సోనియా, రాహుల్ గాంధీ మధ్య ప్రణబ్
- తృణమూల్ కాంగ్రెస్, డీఎంకే వంటి యూపీఏ భాగస్వామ్య పక్షాలతో విభేదాలు తలెత్తినప్పుడూ దాదానే మధ్యవర్తి. బాల్ ఠాక్రేతో ప్రణబ్
- విపక్షాల నిరసనలతో పార్లమెంట్ కార్యకలాపాలు స్తంభించినప్పుడు ఎన్నో సార్లు రాజీకి వచ్చేలా చేశారు ప్రణబ్. ప్రణబ్ ముఖర్జీ మంతనాలు
- అగ్రరాజ్యం అమెరికాతో అణు ఒప్పంద వ్యవహారంలో అంతర్జాతీయంగా ఎటువంటి ఒడుదొడుకులు రాకుండా అప్పటి అమెరికా అధ్యక్షుడితోనూ మంతనాలు జరిపారు ప్రణబ్ ముఖర్జీ. ప్రణబ్ ముఖర్జీ
- 1991-96 మధ్య ప్రణాళిక సంఘం ఉపాధ్యక్షుడిగా పనిచేసిన సమయంలో సంఘ లక్ష్యాలను పరుగులు పెట్టించారు. మాజీ ప్రధాని మన్మోహన్ సింగ్తో ప్రణబ్
- 1987-89 సంవత్సర మధ్య కాలంలో కాంగ్రెస్ గడ్డు కాలం ఎదుర్కొంది. ఆ సమయంలో ఏఐసీసీ ఆర్థిక మండలి ఛైర్మన్ పదవి చేపట్టిన ప్రణబ్... కాంగ్రెస్ ఆర్థిక వ్యవహారాలను ఓ కొలిక్కి తెచ్చి, పార్టీనీ గాడిలో పెట్టారు. పీవీ నరసింహారావుతో ప్రణబ్
- 47 సంవత్సరాల వయస్సులోనే దేశంలో క్లిష్టమైన పదవిగా చెప్పుకునే ఆర్థిక మంత్రి పదవి బాధ్యతలు చేపట్టడమే కాకుండా... యూరోమని మ్యాగజైన్ నిర్వహించిన సర్వేలో ప్రపంచంలోనే అత్యుత్తమ ఆర్థిక మంత్రిగా ఎంపికయ్యారు. ఆర్థిక మంత్రిగా ప్రణబ్ ముఖర్జీ