ఒకప్పుడు ఏసీలు అతికొద్ది మంది ఇళ్లల్లోనే కనిపించేవి. ఇప్పుడు అలా కాదు. ఎటు చూసినా అవే. ఇందుకు కారణం ప్రజల ఆదాయంలో పెరుగుదల కాదు, ఉష్ణోగ్రతలు ఎగబాకడం. మండే ఎండలను తట్టుకునేందుకు ఏసీ అనివార్యమవుతోంది. విద్యుత్ వాడకం గణనీయంగా పెరుగుతోంది.
జనాభా విస్ఫోటనం, మారుతున్న మనుషుల జీవనశైలి, పుట్టుకొస్తున్న అధునాతన సాంకేతిక పరిజ్ఞానం తోడై... విద్యుత్పై విపరీత ఒత్తిడి ఏర్పడబోతోంది. ప్రపంచ విద్యుత్ అవసరాలు 2050 నాటికి మరో 25శాతం పెరుగుతాయని బోస్టన్ యూనివర్సిటీ పరిశోధకుల తాజా అధ్యయనం తేల్చింది.
ఎంత విద్యుత్ అవసరం...?
2050 నాటికి ఇప్పుడు వినియోగిస్తున్న దానికన్నా 2-3 రెట్లు ఎక్కువగా విద్యుత్ అవసరం.
ప్రస్తుత తలసరి వినియోగం ఎంత..?
అమెరికా, కెనడాలో తలసరి విద్యుత్ వినియోగం ఐరోపాలో కంటే రెట్టింపు, పేద దేశాల్లో కంటే దాదాపు 800 రెట్లు అధికం.
ఏ విద్యుత్ ఎంత...?
ఏ పరికరానికి ఎంత విద్యుత్..?
ఏ పరికరానికి ఎంత విద్యుత్? ప్రపంచవ్యాప్తంగా...
- 2010 నాటికి ప్రపంచంలో విద్యుత్ ఉత్పత్తి 2100కోట్ల మెగావాట్ పర్ అవర్ మాత్రమే.
- 2050 నాటికి ఇది 4700-5300 కోట్ల మెగావాట్ పర్ అవర్కు పెరుగుతుంది.
వినియోగం ఎక్కడ ఎంత పెరుగుతుంది..?
భూతాపం ఒక మోస్తరుగా పెరిగితే 11-17%, విపరీతంగా పెరిగితే 25-58% విద్యుత్ వినియోగం ఎగబాకుతుందని అంచనా.
భారత్లో ఇలా...
భారత్లో కన్నా అమెరికాలో తలసరి వినియోగం 6 రెట్లు ఎక్కువ. అయితే మన దేశ జనాభా 130కోట్లపైనే కాబట్టి... మొత్తం వినియోగం ఎక్కువగా ఉంటుంది.
భారత్లో విద్యుత్ స్థాపిత ఉత్పాదక సామర్థ్యం 3.53 లక్షల మెగావాట్లు. కానీ దేశంలో ఏనాడూ వినియోగం గరిష్ఠంగా 1.75లక్షల మెగావాట్లకు మించలేదు. 2030 నాటికి దేశంలో విద్యుత్ ఉత్పత్తి రోజుకు 8.5లక్షల మెగావాట్లకు చేరుకుంటుందని అంచనా. ఆమేరకు విద్యుత్ డిమాండూ పెరగనుంది.
ఎందుకింత డిమాండ్..?
- 2050 నాటికి 960 కోట్లకు చేరుకునే ప్రపంచ జనాభాకు భారీగా విద్యుత్ అవసరం.
- భూతాపం దెబ్బకు ఉక్కపోత పెరిగి ఏసీలను విపరీతంగా వినియోగిస్తారు.
- పుట్టుకొస్తున్న సరికొత్త సాంకేతిక పరిజ్ఞానం, విస్తరిస్తున్న అభివృద్ధి కార్యకలాపాలు.
- కొంగొత్త వినియోగ వస్తువుల తయారీకి అధిక విద్యుత్ వాడకం.
