స్టెల్లా మారిస్ కళాశాల విద్యార్థినులతో రాహుల్ గాంధీ సమావేశానికి అనుమతులపై ఆరా తీస్తోంది తమిళనాడు ప్రభుత్వం. ఎన్నికల నియమావళి అమలులో ఉండగా ఏ విధంగా అనుమతులు ఇచ్చారని పేర్కొంటూ కళాశాలపై దర్యాప్తునకు ఆదేశించింది.
కాంగ్రెస్ అధ్యక్షుడు రాహుల్ గాంధీ రెండు రోజుల క్రితం స్టెల్లా మారిస్ కళాశాల విద్యార్థినులతో సమావేశమయ్యారు. ఈ సందర్భంగా మహిళలకు 33 శాతం రిజర్వేషన్లు కల్పిస్తామని హామీ ఇచ్చారు. రఫేల్ వివాదంపై మరోమారు భాజపాపై ఆరోపణలు చేశారు. రాబర్ట్ వాద్రాపై ఓ విద్యార్థిని ప్రశ్నించగా చట్టం అందరికిీ సమానంగా వర్తిస్తుందని పేర్కొన్నారు.
విచారణకు ఆదేశించిన కళాశాల బోర్డు
ఈ విషయంపై వెంటనే విచారణ చేపట్టి నివేదిక సమర్పించాలని అధికారులను ఆదేశించారు కళాశాల విద్యా బోర్డు డైరెక్టర్ ఆర్.సరుమతి. లోక్సభ ఎన్నికల నియమావళి అమలులో ఉండగా రాహుల్ సమావేశానికి ఏ విధంగా అనుమతులు ఇచ్చారని రీజనల్ జాయింట్ డైరెక్టర్ను ప్రశ్నించారు.