ఇద్దరికంటే ఎక్కువ పిల్లలా.. సర్కార్​ కొలువుల్లేవ్​!

ఇద్దరు పిల్లలు కంటే ఎక్కువ సంతానం ఉన్నవారు ప్రభుత్వ ఉద్యోగాలకు అనర్హులని అసోం కేబినేట్​ నిర్ణయించింది. జనాభా నియంత్రణ కోసం 2021 జనవరి 1 నుంచి ఈ విధానాన్ని అమలు చేయనుంది.

జనాభా నియంత్రణకు అసోం ప్రభుత్వం సంచలన నిర్ణయం తీసుకుంది. ఇద్దరు పిల్లలకంటే ఎక్కువ మంది సంతానం ఉన్న వారికి ప్రభుత్వ ఉద్యోగాలు ఇవ్వబోమని తెలిపింది. సోమవారం జరిగిన రాష్ట్ర కేబినెట్​ సమావేశం అనంతరం ఈ నిర్ణయాన్ని ప్రకటించింది. 2021 జనవరి 1 నుంచి ఈ నిబంధన వర్తించనుంది.

చిన్న కుటుంబాల ప్రమాణాల ప్రకారం 2021 జనవరి 1 నుంచి ఇద్దరికన్నా ఎక్కువ మంది పిల్లలను కంటే.. వారికి ప్రభుత్వ ఉద్యోగాలకు అనర్హులని ప్రకటించింది అసోం ప్రభుత్వం.

ఈ కీలక నిర్ణయంతో పాటు, కొత్త భూ విధానానికీ తెరలేపింది అసోం మంత్రి వర్గం​. భూమిలేని ఆదివాసీ పేద ప్రజలకు వ్యవసాయానికి మూడు బిఘాలు, ఇల్లు నిర్మించుకోడానికి అర బిఘా ఇచ్చేందుకు పథకాలు చేపట్టనుంది. రాష్ట్రంలో బస్సు ఛార్జీలను 25 శాతం పెంచాలని ఈ సమావేశంలో నిర్ణయించింది ప్రభుత్వం.

ఇదీ చూడండి:ఈ బైక్​ ఉంటే అతి చౌకగా చక్కర్లు కొట్టొచ్చు!