లోకల్​ ఫైట్​: 2 పార్టీల కార్యకర్తల తీవ్ర ఘర్షణ

తమిళనాడులోని ఓ గ్రామంలో రెండు రాజకీయ పార్టీ కార్యకర్తలు కర్రలతో దాడి చేసుకున్నారు. ఇటీవలే జరిగిన స్థానిక ఎన్నికల నేపథ్యంలో మొదలైన గొడవలు తారస్థాయికి చేరడమే ఇందుకు కారణంగా తెలుస్తోంది.

తమిళనాడు కడలూరు పట్టణ సమీపంలోని ఓ గ్రామంలో రెండు రాజకీయ పార్టీల కార్యకర్తల మధ్య మొదలైన గొడవ.. హింసాత్మకంగా మారింది.

ఓడిపోయిన ఆవేశంలో..!

ఇటీవల జరిగిన స్థానిక సంస్థల ఎన్నికల్లో ప్రత్యర్థి అమ్సయజ్​పై.. రాజేశ్వరి అనే మహిళ గెలుపొందారు. ఓడిపోయిన అమ్సయజ్​ అనుచరులు.. ఆగ్రహంతో మంగళవారం రాజేశ్వరి నివాసంలోకి చొరబడి, రాళ్లు, కర్రలతో ఆమెపై దాడికి పాల్పడ్డారు. దీంతో రాజేశ్వరి మద్దతుదారులు ప్రత్యర్థులపై ఎదురు దాడికి దిగారు. ఈ క్రమంలో మొదలైన గొడవ.. చూస్తుండగానే హింసాకాండగా మారింది.

సమాచారం అందుకున్న పోలీసులు రంగంలోకి దిగి ఘర్షణలను అదుపుచేశారు. గ్రామంలో సాధారణ పరిస్థితి తీసుకొచ్చేందుకు భారీ భద్రతను ఏర్పాటు చేశారు.